paralel-dunalar_hem_yollar

13.08.2018, tarafından yazılı , CÜMNE, LİTERATURA, LİTERATURA ÖMÜRÜ, POEZİYA BÖLÜMÜ, 148 KERÄ BAKILMIŞ

Todur ZANETin 60-cı yıldönümü

Paralel dünnälarda hem çapraz yollarda
Yollar, çapraz olup, çatraklar yaradêr!
O yollarda bizleri ne hep bekleer?
Bunu Allaa salt biler!

Herkezi, kapıp yolunu, gider yolundan,
Oradan, buradan, uzaktan.
Bu aydınnık dünnädan.

Giimni, çıplak, atlı, yayan,
Ölmelerini hiç bilmeyän,
Yalnız geçerlär yollardan.

Gezerlär nesa aarayıp
Kimisaydı sevip, brakıp,
Kimäsaydı yollar açıp.

Yavaş giderlär yollardan
Hem paralel dünnälardan,
Geçip çapraz çatraklardan,

Brakıp orda izlerini,
Bulamayıp çiftlerini
Hem da yuva-köşelerni.

Zerä yollar çapraz olup,
Bir noktada çatrak bulup
Genä daalêrlar dolaya,

Açıp yolu bir yalnızlaa
Hem da raatsız bir sonsuzlaa,
Ani zeetler bu dünneda.

Taa gitmedään bu dünnädan.
Orda biter aar yalnızlık,
Kim etiştirmärsä – yazık.

Yollar, çapraz olup, çatraklar yaradêr!
O yollarda bizi kısmet bekleer?
Bunu Allaa kesin biler!
Todur ZANET,
01.05.2016

BİR CUVAP YAZIN