cii

04.06.2018, tarafından yazılı , CÜMNE, LİTERATURA, LİTERATURA ÖMÜRÜ, POEZİYA BÖLÜMÜ, 194 KERÄ BAKILMIŞ

Todur ZANETin 60-cı yıldönümünä karşı

Dipsiz derinnää battı sevdalar
İncelnmiş erdän koptu sevda ipleri,
Kopmaklan bilä dünnäälar cingildi,
Dipsiz derinnää uçêr sevdamız,
Sessiz bir baarmaklan baarêr duygumuz.
Kaldık ikimiz – iki alık hem üüsüz,
Battı güneşlär, battı günümüz,
Sündü ateşlär, suudu damarlar, al kannar,
Ateşli soluklar, vulkan gibi kaynayan o cannar,
Sündü, kapandı deliycä çımkıran o gözlär,
Karanaa, dipsiz derinnää battı sevdalar…
Todur ZANET, 22.04.2017

***
Sän – bir sabaa çiiyi damnasıysın gül yapraanda,
Bän – susamış, sevdadan yanmış, bir can başçanda.
Gel, Dan eri armadaan, bakınıym gözündä, şafkında,
Bu düş mü, osa olan bir iş mi ayınımda?!
Gel, içiim seni, susuzluumu kanaatlayıp,
Güneştä uçmaasın deyni, kanatlanıp.
Todur ZANET, 22.09.2016

***
Badaştık ikimiz, badaştık,
Birini görmemää savaştık.
Yumup gözleri, yangına karıştık…
Son-sonunda bu işä alıştık.
Todur ZANET, 26.09.2015

BİR CUVAP YAZIN