turk_konseyi

02.04.2021, tarafından yazılı , CÜMNE, POLİTİKA BÖLÜMÜ, 304 KERÄ BAKILMIŞ

Türk dillerini lafedän devletlerin işbirlii Sovetin 7-ci toplantısı oldu

Kazahstanın Türkistan kasabası merkezi olarak, Baba Marta ayın (mart) 31-dä, onlain durumunda, yapıldı Türk dillerini lafedän devletlerin işbirlii Sovetin (Türk Konseyi) 7-ci toplantısı.

Onlain toplantısı geçti Kazakistan Respublikasının Prezidentı Kasım-Comart TOKAYEVın başkannıında hem onda pay aldılar: Kazakistan Respublikasının birinci Prezidentı hem Türk Konseyin şannı Başkanı Nursultan NAZARBAYEV, Azerbaycan Respublikasının Prezidentı İlham ALİYEV, Kırgız Respublikasının Prezidentı Sadır JAPAROV, Respublikasının Prezidentı Recep Tayyip Erdoğan, Özbekistan Respublikasının Prezidentı Şevket MİRZİYOYEV, Türkmenistan devlet Başkanı Gurbangulu BERDİMUHAMMEDOV, Vengriya Premyer-ministrusu Viktor ORBAN, Türk Konseyin genel Sekreteri Baghdad AMREYEV.

Toplantıdan sora Türk dillerini lafedän devletlerin işbirlii Sovetin 7-ci toplantısının karar açıklaması yapıldı.

Açıklamada bildiriler, ani Kazahstanın Türkistan kasabasına Türk Dünnääsının ruh baş kasabası statusu veriler. Taa ötää, rotațiya sistemasına görä, Türk Dünnääsının ruh baş kasabaları statusu başka kasabalara da bu verilecek. Türk Konseyin 7-ci toplantısı Türkiyada yapılacek.

Açıklamada bildiriler, ani Türk Konseyin acızgannıını bildirer Azerbaycana hem azerbaycan halkına o zararlara görä, ani dill çoktankı cenktä oldu, o zararları ortadan kaldırmakta yardımcı olacek hem Armeniyaylan Azerbaycan arasındakı ilişkilerin normalleşmesinä yardımcı olacek.

Açıklamada bildiriler, ani Türk Konseyin azaları olan devletlerin, Türk Dünnääsının literaturasına, incäzanaatına, biliminä hem kulturalarına önemni katkılar yapmış olan seçkin poet, filosof hem devlet adamnarından Yusuf Has HACİPin duumasının 1005-ci yıldönümünü, Nizami GENCEVİnin duumasının 880-ci yıldönümünü, Yunus EMRE hem Türkçä yılını, Ali Şir NEVAİnin duumasının 580-ci yıldönümünü, Cambıl CABAYEVın duumasının 175-ci yıldönümünü, Alihan BÖKEYHANın duumasının 155-ci yıldönümünü hem Hüseyin KARASAYEVın duumasının 120-ci yıldönümünü kutlama sıraları yapılacek.

Not. Türk dillerini lafedän devletlerin işbirlii Soveti (Türk Konseyi) kuruldu 03.10.2009 günündä Azerbaycanın Nahiçivan kasabasında.

BİR CUVAP YAZIN