turksoy_resim_2

03.08.2015, tarafından yazılı , CÜMNE, KULTURA, RESİMCİLİK BÖLÜMÜ, 1337 KERÄ BAKILMIŞ

Türk dünnäsı resimcilerinä TÜRKSOYdan 18-ci plenêr

Artık 18 yıl TÜRKSOY tarafından Türk dünnäsı resimcilerinä deyni plenêr yapılêr. Plenêr iki afta sürter, nedän sora bu resimceliren resimnerin sergisi olêr. Bu yıl plenêrda vardı Gagauziyadan resimci Pötr NOVAKOV.

Bu yılkı plenêrı TÜRKSOY hazırladı Türkiyenin Aksaray kasabanın mêriyasınnan bilä. Onuştan da Harman ayın (avgust) 1-dä bu kasabda plenêrın sergisi açıldı. Serginin açılışında pay aldılar Aksaray kasabanın mêrı Halük Şahin YAZGI hem TÜRKSOY Genel sekretari Düsen KASEİNOV.

Sergidä er aldı 100 resimdän zeedä, angılarını etiştirdilär hazırlamaa resimcilär iki aftanın içindä. Nicä urguladılar serginin açılışında söz alan resimcilär, bu plenêr verdi kolayını Türk dünnäsının resimcileri biri-birlerinnän tanışsınnar, kendi ustalıklarınnan paylaçsınnar hem Türk dünnäsına kendi halklarının kulturasını hem incäzanaatını açsınnar.

TÜRKSOYun 18-ci plenêrında pay aldılar resimcilär:

Muşvik ALİEV (Azerbaycan), Abdulhan TLEUJANOV (Kazakistan), Bekten USUBALİEV (Kırgızistan), Begeneh BERKİLİEV hem Hoca Muhammed ÇÜRİEV (Türkmenistan), Rahme MANASTIRLI (KKTC) Arcan İUTUEV (Altay/Rusya), Ralif AHMETŞİN (Başkurdistan/Rusya) Väçeslav KUÇENOV (Hakasiya/Rusya), Pötr NOVAKOV (Gagavuz Yeri/Moldova), Sardana DAVAESENGE (Saha-Yakutiya/Rusya), Grigoriy ÊYDİNOV (Tatarstan/Rusya), Svetlana SİDOROVA (Çuvaşistan/Rusya), Orhan İSMAİL (Bulgariya), Êmel MAHMUT (Makedonya), Merima İVKOVİÇ (Bosna-Hersek), Êthem BAYMAK (Kosova), Gabriele ŞAFFARŢİK (Germaniya), Mustafa DİĞLER, Hüsnü KAÇMAZ hem Mustafa Cevat ATALAY (Türkiye).

Not. Plenêr (franţuzça en plein air – “açık havada”) – açık havada hem gün şafkında resimnemäk tehnikası.

Anaktar sözlär : ,

BİR CUVAP YAZIN