guvennik_mektubu (1)

03.08.2018, tarafından yazılı , CÜMNE BÖLÜMÜ, 433 KERÄ BAKILMIŞ

Türkiye Büükelçisinin güvennik mektubu kabledildi

Harman ayın 2-dä Moldova Prezidentı İgor DODON kabletti Türkiye Kişinev Büükelçisinin Halil Gürol SÖKMENSÜERın güvennik mektubunu, açıklêêr prezidentın presa slujbası.
guvennik_mektubu (2)

Buluşmada İgor DADON söledi, ani bu yakınnarda moldo-türk ilişkileri üüselelrlär. Canabisi üüsek paaya koydu o para hem teknik yardımnarını, ani yapılêr Moldovada Türkiyenin TİKA kuruluşunnan, angısı bitki yıllarda saalık, üüredicilik, çevrä hem başka uurlarda proektlar için 25 milion ABD doları yardım yaptı. İgor DODON urguladı, ani turizma uurunda da işbirlii üüseler hem her yılın moldovalıların yaklaşık 10% Türkiyeyä giderlär.
guvennik_mektubu (3)

Karşılıklı konuşmada incelendi Türkiyenin Prezidentı Recep Tayyip ERDOĞANın yakınnarda Moldovaya beklenän vizitın hazırlanması hem bildirildi, ani vizit zamanında Recep Tayyip ERDOĞAN  Komrada bir yol yapacek hem Kişinevda Moldova Prezidenturasının binasının ofițial açılışını yapacek, çünkü bu binanın remondu Türkiye partnörların yardımınnan yapıldı.

Foto: http://www.presedinte.md

BİR CUVAP YAZIN