kizil_ay (4)

13.08.2019, tarafından yazılı , CÜMNE BÖLÜMÜ, 252 KERÄ BAKILMIŞ

Türkiye “Kızıl Ay” kuruluşundan “Kurban Bayram” yardımı

Harman ayın (avgust) 12-dä, musulman dünnääsının “Kurban Bayram” günnerindä, Türkiye “Kızıl Ay” kuruluşu, Türkiye Kişinev Büükelçiliin hem TİKA çalışmalarınnan, Gagauziyanın hem Moldovanın fıkaara aylelerinä hem kusurlu uşaklarına 550 paket taazä yahnı Kurban yardımı yaptı.

Bu paketların 250 taanesi verildi Kişinev primariyasının “Uşakların haklarını korumak Direkțiyası”na girän kusurlu hem üüsüz uşaklara bakan kuruluşlara. Burada paketleri vermäk sırasında pay aldılar Türkiye Kişinev Büükelçisi Gürol SÖKMENSÜER, Türkiye Kişinev Büükelçiliin diplomatları hem Türkiye “Kızıl Ay” volontörları.

Kişinev Primariyasının “Uşakların haklarını korumak Direkțiyası”nın başı Luçia KAÇUK uşakların adından şükür etti bu pek faydalı hem lääzımnı yardım için.

Hep o günü Türkiye “Kızıl Ay” volontörları Kurban yardımını Gagauziyaya da götürdülär hem Komrat, Çadır, Valkaneş rayonnarına, kardaş payı yaparak, 100-zär taanä paket daattılar.
kizil_ay (3) kizil_ay (1)
kizil_ay (5)
kizil_ay (2)

BİR CUVAP YAZIN