turk_kultura_gunneri

22.05.2015, tarafından yazılı , KULTURA, KULTURA ÖMÜRÜ BÖLÜMÜ, 1174 KERÄ BAKILMIŞ

Türkiye kultura günneri başlêêr

Hederlez ayın 22-dä, saat 16:00-da Gagauziyada “Türkiye kultura Günneri” başlêêr. Moldovada Türkiye Büükelçiliin yardımınnan bu yortuyu Kongaz küüyün “Suleyman DEMİREL” liţeyi hazırladı.  Partnöru – Komrat primariyası.

Türkiye kultura Günnerin programasına görä Hederlez ayın 22-dä saat 16:00-da yortu başlayacek Komrat kultura Evindän baş meydana örümäklän. Örümektä pay alêêrlar Türkiyedän hem Gagauziyadan yaratmak kolektivları.

Saat 17:00-da meydanda türk malların çarşısı açılacek. Sora da, saat 18:00 yaratmak kolektivların konţerti başlayacek.

O günün programasını başaracek Türkiyenin anılmış rok muzıkantın Halük LEVENTin konţertı.

Ertesi günü Türkiyedän musaafirlär küülerä yollanaceklar. Hederlez ayın 23-dä saat 17:30 Komrat kultura Evindä “Türk dünnäsı” temalı uşak resimnerin sergisi açılacek. Saat 18:00 da hep orada gösterilecek Türkiyedän bir kinofilm.

BİR CUVAP YAZIN