recepsiya_2

30.10.2019, tarafından yazılı , CÜMNE BÖLÜMÜ, 403 KERÄ BAKILMIŞ

Türkiye Respublikasının 96-cı yaşına reçepţiya

Canavar ayın (oktäbri) 29-da tamamnandı 96 yıl nicä Büük önderci Mustafa Kemal ATATÜRK kurdu Türkiye Respublikasını. Bu yortuylan ilgili olarak Canavar ayın (oktäbri) 29-da Moldova Türkiye Respublikası Büükelçisi Gürol SÖKMENSÜER reçepţiya verdi. Reçepţiyada pay aldı Moldova Prezidentı İgor DODON da.

Recepțiya başladı Türkiye hem Moldova Gimnalarından. Nedän sora Moldova Türkiye Büükelçisi Gürol SÖKMENSÜER, selemneyip reçepțiyeyä gelän hepsi musaafirleri, kısa bir yortulu söz tuttu. Canabisi annattı Türkiyenin 96 yılda genişlemesini, Siriyada Efrat deresinin dou taraflarında yapılan “Barış Pınarı” asker operațiyasını, Türkiye-Moldova arasında dostluk, politika hem ekonomika ilişkilerini. Sonunda o okudu reçepțiyada bulunan insannarın önündä Türkiye Respublikası Prezidentının Recep Tayyip ERDOĞANın Türkiye Respublikasının 96-cı yılın kurulmasınnan ilgili kutlama mesajını.

Sora söz verildi Moldova Prezidentı İgor DODONa, angısı kutladı hepsini Türkiye Respublikasının kuruluş gününnän, söledi Moldova-Türkiye arasında politika hem ekonomika ilişkileri için, urgulayıp o büük dostluu, ani var iki devletin arasında. Canabisi söledi, ani en zor zamannarda, ölä nicä devlet devrimi denemesi hem asker operațiyaları, Moldova tuttu Türkiyenin tarafanı. Moldova Prezidentı bildirdi, ani onun kanadı altında bu yıl Gagauziya kendi 25 yıldönümünü kutlayacek da buyur etti hepsi bu yortuya katılsınnar.

Nedän sora da Büükelçi Gürol SÖKMENSÜER, Moldova Prezidentı İgor DODON, Gagauziya Başkanı İrina VLAH hem Moldova korunmak ministrusu Pavel VOYKU kılıçlan kestilär maasuz bu yortu için yapılan tortu.

Reçepţiyanın kultura programasında insannarı şennendirdilär telli instumentlär Gençlär ansamblisi hem Moldovanın anılmış artistleri.
recepsiya_3
recepsiya_1
recepsiya_

Anaktar sözlär : , ,

BİR CUVAP YAZIN