Kırım ayın (dekabri) 20-dä günündä Türkiye Respublikasının Başbakan yardımcısı Hakan ÇAVUŞOĞLU ofiţial vizitlan Gagauziyada bulundu. Vizit programasına görä Canabisi buluştu Gagauziyanın öndercilerinnän, baktı nicä gider işlär Türkiye tarafından Komratta yapılan uşak başçasının, Yaratmak evinin hem rayon bolniţasının stroykalarında, Komrat Recep Tayyip ERDOĞAN adına ihtärlar Evini hem buluştu Komrat Devlet Universitetın zaametçilerinnän hem burada üürenän türk studentlarınnan.
Komrattan sora Başbakan yardımcısı Hakan ÇAVUŞOĞLU hem bütün Türkiye delegaţiyası yollandılar Çadır kasabasına, neredä pay aldılar Çadırın Stratan deresinin sellerdän sora paklanmasının hem burada köprülerin düzmesinin bitmesinin ofiţial sırasında. Bütün bu işleri TİKA yolunnan Türkiye Respublikası Çadırlılara deyni yaptı.
Ofiţal sırayalan ilgili mitingta söz tuttular Başbakan yardımcısı Hakan ÇAVUŞOĞLU, Gagauziya Başkanı, Gagauziya Halk Topluşu Başı hem Çadır kasabasının primarı. Bu insannalan bilä açılış şiridini kestilär TİKA Başkanı yardımcısı Birol ÇETİN, Türkiye Kişinev Büükelçisi Hulusi KILIÇ hem başka insannar.
