turkiye_referendum_1

18.04.2017, tarafından yazılı , CÜMNE, POLİTİKA BÖLÜMÜ, 387 KERÄ BAKILMIŞ

Türkiyeda Konstituţiya referendumu: “kayıl” – 51,41%, “karşı” – 48,59%

turkiye_referendum
Çiçek ayın 16-da, Türkiye Respublikasının Konstitu
ţiyasına 18 diişilmäk statyası koymaa deyni, referendum geçti. Katılannarın 100% bülütennerini saydıktan sora, esap bölä çıktı: “kayıl” – 51,41%, “karşı” – 48,59%, bildirer anadolu haber agenstvosu.

Referendum başarıldıynan Türkiye Prezidentı Recep Tayyip ERDOĞAN tribunadan danıştı Türkiye vatandaşlarına.

Referendumdan sora Türkiye Respublikasının Konstituţiyasına koyulacek 18 diişilmäk statyaların arasında var: parlament respublikasından prezident respublikasına geçmäk, premyer-ministru funkţiyasını yok etmäk, parlament deputatlarının sayısını büültmäk, sudyaların hem prokurorların Üüsek sovetini eniletmäk hem başka.

Bu 18 diişilmäk statyaların çoyu 2019 yılın Kasımın 3-dä işlemää başlayacek. Ama 3 statya hemen koşulacek: sudyaların hem prokurorların Üüsek soveti 30 günün içindä enilenecek, asker sudları kaldırılacek hem Prezidentın partiya azası olması uygulanacek.

Prezidentın partiya azası olması uygulanamasınnan Türkiye Prezidentı Recep Tayyip ERDOĞAN, kendi tarafından kurduu AK Partiyaya dönmesinin önü açıldı, bidirer ahaber.com.tr.

 

BİR CUVAP YAZIN