turkiye_koronavirus_1

04.04.2020, tarafından yazılı , CÜMNE BÖLÜMÜ, 133 KERÄ BAKILMIŞ

Türkiyedä koronavirusa karşı sert adımnar

Cumaa günü, Çiçek ayın (aprel) 3-dä Türkiye Prezidentı Recep Tayyip ERDOĞAN TRTda Türk milletinä danışarak, Türkiyedä koronavirusa karşı koymakta eni sert adımnarı açıkladı.

Prezidentı Recep Tayyip ERDOĞAN söledi, ani başlayıp gecä yarısından beeri Türkiyenin 30 büük kasabasına hem Zonguldak bölgesinä 15 günä giriş-çıkış durdurulêr hem 20 yaşından aşaa gençlerä deyni komendant saadı kurulêr.

Türkiye Prezidentı urguladı, ani bundan ötää panayır, supermarket, iş erleri gibi cümne erlerdä “maska takmaa zorunnu alacek”. İnsannar lääzım olacek aralarında saalıklı distanțiyayı tutsunnar. Onnara deyni, kim bu kurallara uymayacek büük cezalar koyulacek artık.

Hep koronavirusa karşı adımnarı koymaa deyni Türk Hava Yolları (THY) da bildirdi, ani Çiçek ayın (aprel) 20-dän durgudacek Türkiye içindä yapılan hepsi reysları.

Büünkü gündä Türkiyedä koronavirusa ulaşannarın sayısı 20 921 kişiyi buldu. Bunnarın arasından ölü sayısı 425 oldu, 484 da alıştı.

BİR CUVAP YAZIN