Türkiyedä Hederlez ayın 19-zu “ATATÜRK anma” hem “Gençlik hem sport” yortuları Gagauziyanın Kongaz küüyün Süleyman DEMİREL liţeyindä bakıldı.
Yortuda pay aldılar Türkiye Kişinev Büükelçisi Mehmet Selim KARTAL, Kongaz primarı Mihail ESİR, TİKA Kişinev Ofisin koordinatoru Canan ALPASLAN HEM Ofisin çalışannarı, Gagauziyanın üüredicilik hem kultura Upravleniyaların başları, türk vatandaşları hem cümne insannarı.
Kutlamaklar başladılar Türkiyenin kurtuluş cengindä cannarını verän insannarını susmak minudundan anmaktan. Sora Türkiyenin, Moldovanın hem Gagauziyanın Gimnaları çalındı.
Ofiţal nasaatlardan sora da liţeyin üürencileri bir konţert gösterdilär. Kutlamaklar sport yarışmalarınnan ilerlendi.