turiat_türkiye_

26.06.2020, tarafından yazılı , CÜMNE BÖLÜMÜ, 600 KERÄ BAKILMIŞ

Türkiyeyä gelän turistlerdän koronavirus için spravka istenilmeyecek

Türkiyenin kultura hem turizma ministrusu Mehmet ERSOY geçennerdä buluştu Türkiyedä olan 50 devletin Büükelçilerinnän, neredä annattı ne türlü sıralar kuruldu burada turistların kuşkusuz dinnenmesi için.

Mehmet ERSOY urguladı, ani Türkiyeyä gelan turistlerdän koronavirus için spravka istenilmeyecek hem 14 gün karantina onnar alınmayaceklar. Ama hepsi turistlara kontaktsız termometriya yapılacek. Datçiklär gösterärselär 37,8º zeedä yada turistta başka şüpeli simptomnar varsa, ozaman aeroportta ona koronavirus testı parasız yapılacek.

Test negativ çıkarsa, musaafir otelinä gidecek. Test pozitiv çıkarsa, ozaman onu bolnițaya alaceklar. Orada doktorlar karar verecek, lääzım mı onu burada ilaçlamaa, osa eter oteldä karantindä bulunmak mı.Herliim turista doktorların yardımı lääzım olursa, ozaman o kalacek bolnițada – heptän alışmayınca.

Bu üzerä Türkiye teklif eder kurmaa ek strahovkalar, ani ilaçlamak harçlarını karşlayacek. Onnarın paayı bölä olacek: 3 bin evroyadan ilaçlamak harçları için – 15 evro, 5 bin evroyadan – 19 evro, 7 bin evroyadan – 23 evro. Bu mehanizma Orak ayın (iyül) 1-dän beeri çalıştıracek.

Strahovkayı olacek kolayı satın almaa aeroportlarda ya bilet alarkana, ya pasport kontrolündan öncä, yada turoperatorlada onlain.

Patret: milliyet.com.tr

BİR CUVAP YAZIN