Türkiyenin kultura hem turizma ministrusu Mehmet ERSOY açıkladı, ani başlayıp Kirez ayın (iyün) başından beeri, Türkiyeyä giriştä, aeroportlarda hem sınır kontrol kapularında herkezinä COVID-19-za test yapılacek.
Türkiyenin “Hurriyet” gazetasına intervyu vereräk, Mehmet ERSOY dedi: “Kirez ayın (iyün) başından beeri, başlayıp Antalyadan, Kapıkuleylän İpsale sınır kontrol kapularında Saalık ministerlii koronaya test kontrolü punktları açacek. Testın sonuçları 5-6 saadın içindä belli olacek”. Herliim test pozitiv çıkarsa “lääzım olacek hızlı işlemää”, bu da kolay olacek, zerä yolcunun adresı bilinecek.
Ministr urguladı: “Türkiyeyä gelän herkezinä korona testı uygulanacek, testlar pasport geçişindän öncä uygulanacek. En çok 2-3 minut sürtecek”.
Patert: havayolu.com