novruz1

21.03.2017, tarafından yazılı , CÜMNE, KULTURA, KULTURA ÖMÜRÜ BÖLÜMÜ, 57 KERÄ BAKILMIŞ

TÜRKSOY “Nevruz yortusu” kutlamaları konţertleri başlêêr

Baba Marta ayın 20-dän beeri, “Nevruz yortusu” kutlamasınnan ilgili, TÜRKSOY, TİKA hem Yunus Emre İnstitutu işbirliindä başladı büük bir programa. Bu programaya görä 5 devlettä (Türkiye, Romıniya, Moldova, Kazahstan hem Kırgızistan) 16 ayırı-ayırı konţert verilecek.

TÜRKSOY Baş sekretari Düsen KASEİNOV açıkladı, ani “TÜRKSOY Nevruz kutlamaları bu yıl, Türkiyenin Ankara, Bursa, Bolu hem Edirne kasabaları başta olmaklan, Türkiyenin çeşitli rayonnarında da geçeceklär. Evrupada Romıniyanın Bukureş hem Konstanţa kasabalarında, Moldovanın Komrat (Gagauz Yeri) hem Kişinev kasbalarında olaceklar. Bundan kaarä Aziya tarafında Kırgızistanın Bişkek hem da Kazahstanın Türkistan hem Almatı kasabalarında olaceklar”.

Bu konţertlerin en büüyü olacek 2017 yılın Türk Dünnääsı Kultura başkasabasında – Türkistan kasabasında (Kazahstan). Bu konţerttä pay alaceklar 22 devlettä yaklaşık 200 artist.

Moldovada konţertlerin programası:

28 Mart 2017 yıl – Kişinev / Moldova, Filarmonica Naţıonală “ Serghei Lanchevici”, Saat 19:00, (parasız);

30 Mart 2017 – Komrat / Gagavuz Yeri (Moldova), Kultura Evi, Saat 19:00, (parasız).

Konţertlerä giriş parasız.

BİR CUVAP YAZIN