doyurmak_2-k

13.05.2021, tarafından yazılı , CÜMNE BÖLÜMÜ, 630 KERÄ BAKILMIŞ

Uşakları aaç brakan, şafkı kesän hem küülerimizi yıkıklarda brakan deputatların adları belli oldu

Hederlez ayın 7-dä Gagauziya Halk Topluşun Maasuz toplantısına ansızdan geldilär o deputatlar, ani aylarlan GHTnın eşiinä basmazdılar. Onnar Gagauziya uşaklarının aazından bukayı alıp, gagauzlardan şafkı kesip, küülerimizi yıkıklarda brakıp, Gagauziya Başkanını hem Gagauziya İspolkomun çinovniklerin paralarını koruyup,  “Gagauziyanın 2021-ci yılı için Büceti” Zakonunu kablettilär.

İnsannarımız hem dünnää kuvedä yaltakları surattan bilsinnär hem tanısınnar deyni, Gagauziyanın baamsız haberleri Gagauzyeri.md saytı, tiparladı o deputatların patretlerini: https://gagauzyeri.md/foto-deputatov-ostavivshih-detej-bez-pitaniya-v-shkolah/.

“Gagauziyanın 2021-ci yılı için Büceti” Zakonunu için ellerini kaldıran deputatlar:

1. Valentin GAYDARCI, Karbalı küüyü, 23-ci seçim bölümü;

2. Ruslan GARBALI, Çadır kasabası, 7-ci seçim bölümü;

3. Nikolay DRAGAN, Kıpçak küüyü, 30-cu seçim bölümü;

4. Nikolay DRAGOY, Komrat kasabası, 1-ci seçim bölümü;

5. Grigoriy DÜLGER, Beşalma, 13-ci seçim bölümü;

6. Grigoriy EFTENİ, Beşgöz küüyü, 14-cü seçim bölümü;

7. Sergey ZAHARİYA, Kongazçık küüyü, 29-cu seçim bölümü;

8. Konstantin ZLATOV, Komrat kasabası, 2-ci seçim bölümü;

9. Grigoriy KADIN, Baurçu küüyü, 12-ci seçim bölümü;

10. Vladimir KISSA, Bucak küüyü, 15-ci, seçim bölümü;

11. Dimitriy MANASTIRLI, Kıpçak küüyü, 31-ci seçim bölümü;

12. Nikolay ORMANCI, Kırlannar (Kotovskoe) küüyü, 32-ci seçim bölümü;

13. Stepan SARİOGLU, Baş küüyü (Kirsovo), 26-cı seçim bölümü;

14. Petr FAZLI, Valkaneş kasabası, 10-cu seçim bölümü;

15. Petr ÇAVDAR, Svetloe küüyü, 34-cü seçim bölümü;

16. Dimitriy ÇEBANOV, Kongaz küüyü, 28-ci seçim bölümü;

17. Nataliya ŞOŞEVA, Caltay küüyü, 19-cu seçim bölümü;

18. Födor YANİOGLU, Çok Meydan küüyü, 17-ci seçim bölümü

BİR CUVAP YAZIN