Makedoniya_yazicilar_dernaa

20.01.2016, tarafından yazılı , CÜMNE BÖLÜMÜ, 1383 KERÄ BAKILMIŞ

Üsküptä Balkan yazıcılar birlii Dernää kuruldu

Kırım ayın (dekabri) 21-dä Makedoniyanın başkasabasında Üsküptä (Skopiya) Balkan yazıcılar birlii Dernää kuruldu. Bu iş yapıldı Makedoniyanın “21 Aralık Türkçe Eğitim günü” (“21 Kırım ay Türkçä Üürenmäk Günü”) ofiţial yortusunun kutlama günündä.

Dernään kurulma uuru: Balkannarda bulunan devletlerin yazıcılarını bireri getirmää, onnarlan işbirlii hem ortak çalışmalar kurmaa. Bu Dernään kurulmak protokolun altında kendi imzalarını koydular yazıcılar, angıları “21 Aralık Türkçe Eğitim günü” (“21 Kırım ay Türkçä Üürenmäk Günü”) ofiţial yortusunun kutlamalarında pay aldılar.

Protokola görä Balkan yazıcılar birlii Dernään merkezi Makedoniyanın başkasabası Üsküp (Skopiya) ayırıldı hem Dernään önderci kuruluşuna aza oldular: Makedoniyadan yazıcılar – Fahri ALİ, Numan ARUÇ, Tahsin İBRAHİM, Mürteza SULOOCA, Rabia RUŞİT, Bennu MUSLİ; Romıniyadan – Vildan BORMAMBET; Kosovadan – Zeynel BEKSAÇ; Bulgariyadan – Habibe HALİLİBRAHİM; Türkiyedän – Zeki GÜREL. Dernän başkanı ayırıldı Makedoniyanın “Yeni Balkan” gazetasının baş redaktoru Mürteza SULOOCA.

Not. Balkan yazıcılar Birlii dernään kurulma toplantısında pay aldılar Türkiyedän Avrasya Yazarlar Birliin başkanı, yazıcı Yakup ÖMEROĞLU hem başkan yardımcısı, poet Ali AKBAŞ, hem da gagauz poetı Todur ZANET.

BİR CUVAP YAZIN