yıldırım_haber_1

24.04.2020, tarafından yazılı , CÜMNE BÖLÜMÜ, 157 KERÄ BAKILMIŞ

Ütülü küüyün şarap fabrikasının taa 46 zaametçisindä koronavirus bulundu

24.04.2020. Gagauziyanın Üstolan durumnarın Komisiyasının (UDK) başı İvan KOLİOGLU açıkladı, ani Valkaneş rayonunun Ütülü küüyün şarap fabrikasının taa 46 zaametçisindä koronavirus bulundu.

Bu sabaa Gagauziyanın saalıı koruma Upravleniyasının başı Svetlana DULEVA bidirdi, ani Ütülü küüyün şarap fabrikasının saabileri kendileri yaptırmışlar fabrikanın 100 zaametçisinä COVID-19 analizi.

Şindi da UDK başı İvan KOLİOGLU açıkladı, ani bu üz analizin 46-sı pozitiv çıkmış. Bunnarın 32-si çeşmäküülülerin, 14-dü da – ütülüküülülerin analizleri.

Bu saatta şarap fabrikasında ulaşannarın sayısı 66-ya çıktı.

Belli, ani Ütülü küüyündä koronavirus patlaması (bak: http://anasozu.com/utulu-kuuyunda-koronavirus-patlamasi/) taa çok insannarı ulaştıracek.

Anaktar sözlär : , , ,

BİR CUVAP YAZIN