baskan_dis_2

23.02.2021, tarafından yazılı , CÜMNE, MOLDOVADA TİKA PROEKTLARI BÖLÜMÜ, 895 KERÄ BAKILMIŞ

Üüredicilik kompleksından COVİD-19 vakținalarınadan

Küçük ayın (fevral) 22-dä Gagauziya Başkanı İrina VLAH, Ankarada bulunarak, ayırı-ayırı buluştu Türkiye Respublikasının dışişleri Bakanı Mevlüt ÇAVUŞOĞLUylan hem Türk İşbirlii hem Koordinațiya Agenstvosu (TİKA) Başkanı Serkan KAYALARlan.

Buluşmalarda incelendi Türkiye tarafından Gagauziyada yapılan proektlar hem plannar. Onnarın arasında Gagauziyaya COVİD-19-za karşı koymakta yardımnar da var. Detalli olarak Gagauziya Başkanı istedi Türkiyedän COVİD-19-dan vakținaları yardımı, bildirer gagauzinfo.md.

Bundan kaarä detalli incelendi Gagauziyada  “Recep Tayyip ERDOĞAN üüredicilik kompleksı”n yapılması, Komratta stadionun başarılması, Vaşkaneş tarafında su hem kanalizațiya geçirilmesi proektı h.t.b.

Gagauziya Başkanı şükür etti Türkiye tarafına o yardımnar için hem teklif etti Türkiye Respublikasının dışişleri Bakanı Mevlüt ÇAVUŞOĞLU gelsin Gagauziyaya sport kompleksın ofițial açılışına hem TİKA Başkanı Serkan KAYALAR da buyursunnar “Recep Tayyip ERDOĞAN üüredicilik kompleksı”n temel atması sırasına.

Buluşmalarda pay aldı Türkiyedä Moldova Büükelçisi Dimitriy KROYTOR da.
baskan_tika_1
baskan_tika_2

BİR CUVAP YAZIN