sozlesmek_kiyadi_2

12.04.2017, tarafından yazılı , CÜMNE BÖLÜMÜ, 66 KERÄ BAKILMIŞ

Üürenin, sözleşin hem genişledin bilgilerinizi…

Çiçek ayın 1-dä Ukraynanın Bolgrad rayonunun Vinorgadovka (Kutçu) küüyündä bulunana Odesa bölgesinin Gagauz kultura Merkezi topladı dostları “Rusça-gagauzça sözleşmak kiyadın” tanıtımına.

Kayıl oldular tanışmaa eni rusça-gagauzça sözleşmäk kiyadınnan üürenicilär, üüredicilär, bibliotekacılar, sıradan da insannar. En önemli, ani tanıtıma geldi Olga RADOVA, kiyadın avtorlarından birisi. O annatı ne türlü çalışmışlar Gavril Arkadiyeviçlän GAYDARCI, Stepan Stepanoviç KUROGLUylan, deyni toplamaa lafları, lafbirleşmelerini, soruşları, cuvapları. Onnardan da sora düzmää gözäl bir rusça-gagauzca sözleşmäk kiyadı.
sozlesmek_kiyadi_1

Tanıştıynan kiyatlan annadık, ani bu yaratma lääzım olacêk insannara, angıları meraklık ederlär gagauz dilinnän.

Biz da yaptık bir baaşış Olga RADOVAya. Üürenicilär, kär üüredicilär dä, annatılar şakalı olaylar için gagauz, ukrayna, rus dillerindä. Tanıtım artık geçti Şakalaşmak günündä, Çiçek ayın 1-dä.

Bu kiyat, bekim, hiç da tiparlanmêcêydı Ukrainada, er olmayıdı burada gagauz dilini sevän, koruyan, hem çalışan gagauz dilini ilerletmää bir adam – Yuriy DİMÇOGLU, Odesa bölgesinin deputatı, Odesa bölgä müdürün yardımcısı.

Neetleneriz, ani bu ilk, ama diil bitki bir yaratma gagauz dilinnän baalı, angısı tiparlandı Ukraynada.

Olga KULAKSIZ, Odesa bölgesinin Gagauz kultura Merkezin başı

BİR CUVAP YAZIN