Bu yıl Kasımın 4-8 günnerindä Varşavada geçti UWW Poland Open güreş turnirı, angısında Moldova Respublikasının komandasında gagauz güreşçileri da pay aldılar.
turnirın 86 kg kategoriyasında gagauz güreşçisi Pötr YANULOV, finalda poläk sportsmenının Zbignev BARANOVSKİyi enşeyip, UWW Poland Open (Pılşanın açık çempionatı) çempionu oldu.
65 kg kategoriyasında UWW Poland Open güreş turnirın bronza medalisi başka bir gagauzda – Nikolay GRAHMEZda.
Taa beş medali Moldova komandasına getirdilär Petru KRÊÇUN (57 kg, gümüş), Mihail SAVA (70 kg, bronza), Radı LEFTER (97 kg, bronza), Şamhan Cabrailov (125 kg, bronza).
Komanda zaçötunda, Polşadakı UWW Poland Open güreş turnirında 6 medali kazanıp, Moldova 3-cü eri aldı.
