(Kasımın 12-dä saat 10-da başlayacek Gagauziya Halk Topluşun kurucu toplantısı)
Gagauziya zakonnarına görä Gagauziya Başkanı İrina VLAH Kasımın 8-dä imzaladı Kararı, ani Kasımın 12-dä Halk Topluşun kurucu toplantısını yapmaa.
Nicä bilersiniz, Komrat Apeläțiya Palatası taa Canavar ayın (oktäbri) 12-dä temelleştirdi hem tanıdı GHTnın VII-ci toplumun hepsi 35 deputatın mandatlarını da Kasımın 12-si – bu son gündü, nezaman vardı nicä Gagauziya Halk Topluşun kurucu toplantısını toplamaa.
Bileräk, ani tokada kış urêr hem eşiktä eni yıl durêr da insana yardım için GHTdan çok faydalı kararlar beklener hem, bakmadaan ona, ani nekadar tez lääzım kabledilsin Gagauziyanın 2022-ci yıla bücetı, Başkanka gene dä son minudadan karar almasını uzattı.
Var nicä sade şüpelenmää, neçin acaba bu iştä Canabisi vakıdı taa yımırta kapuya gelincä çekti?
Sebep bir – Gagauziya Halk Topluşun Başı kim olacek? Çünkü o kişidän biter Halk Topluşu Gagauziyanın hepsi insannarına mı izmet edecek, o sa salt bir insancaa mı?!
Açıklanan bilgilerä görä Gagauziya Halk Topluşun Başı olmaa isteerlär: Nikolay DUDOGLU, Demyan KARASENİ, Vladimir KISSA, Dimitriy KONSTANTİNOV, Georgiy LEYÇU hem Viktor PETROV.
Bu üzerä Kasımın 12-dä bizi bekleer pek gözäl bir spektakli, angısının paası – Gagauziyanın gelecää.
Gagauziya Halk Topluşun VII-ci toplumun deputatları (seçim bölümneriä görä):
Komrat № 1 s.b. – Nikolay DUDOGLU;
Komrat № 2 s.b. – Viktor PETROV;
Komrat № 3 s.b. – Aleksandr TARNAVSKİY;
Komrat № 4 s.b. – İvan DİMİTROGLU;
Çadır № 5 s.b. – Nikolay İVANÇUK;
Çadır № 6 s.b. – Georgiy LEYÇU;
Çadır № 7 s.b. – Elena YURÇENKO;
Valkaneş № 8 s.b. – Aleksandr TOPORAŞ;
Valkaneş № 9 s.b. – Dimitriy TOPAL;
Valkaneş № 10 s.b. – Pötr FAZLI;
Avdarma № 11 s.b. – Aleksandr DİNJOS;
Baurçu № 12 s.b. – Grigoriy KADIN;
Beşalma № 13 s.b. – Grigoriy DÜLGER;
Beşgöz № 14 s.b. – İvan KARACA;
Bucak № 15 s.b. – Vladimir KISSA;
Çeşmä küüyü № 16 s.b. – Leonid KÖSÄ;
Çok-Maydan № 17 s.b. – Födor YANİOGLU;
Düzginca № 18 s.b. – Nikolay RAYA;
Caltay № 19 s.b. – Nikolay ANDRUŞOY;
Ütülü küüyü № 20 s.b. – Mihail POPOV;
Ferapontyevka № 21 s.b. – Dimitriy KONSTANTİNOV;
Aydar № 22 s.b. – Nikolay UZUN;
Karbalı № 23 s.b. – Vitaiy GAYDARCI;
Kazayak № 24 s.b. – Aleksandr DÜLGER;
Kiriyet № 25 s.b. – Mihail JELEZOGLU;
Başküüyü (Kirsova) № 26 s.b. – Stepan SARİOGLU;
Kongaz № 27 s.b. – Svetlana DÜVENCİ;
Kongaz № 28 s.b. – Demyan KARASENİ;
Kongazçık № 29 s.b. – Sergey ZAHARİYA;
Kıpçak № 30 s.b. – Valeriy MANASTIRLI;
Kıpçak № 31 s.b. – Dimitriy MANASTIRLI;
Kırlannar № 32 s.b. – Nikolay ORMANCI;
Rus Köselisi № 33 s.b. – İlya UZUN;
Svetloe № 34 s.b. – Ruslan UNİLOVSKİY;
Tomay № 35 s.b. – Sergey ÇİMPOYEŞ.
