valkanes_giris

17.10.2017, tarafından yazılı , CÜMNE BÖLÜMÜ, 72 KERÄ BAKILMIŞ

Valkaneş kasabası Kurbanını baktı

2017-ci yılın Canavar ayın (oktäbri) 14-dä Gagauziyanın üç kasabalarından birisi, Valkaneş kasabası, kendi kurulmasından 305-ci Kurbanını baktı.
valkanes

Bu büük yortuda pay almaa hem valkanişlileri Kurbannan kutlamaa deyni o günü Valkaneşä geldilär Gagauziya Halk Topluşu Başı Vladimir KISSA, Gagauziya İspolkom predsedatelin 1-ci yardımcısı Vadim ÇEBAN, Türkiye Kişinev Büükelçisi Hulusi KILIÇ, TİKA Moldova programaların Koordinatoru Selda ÖZDENOĞLU, Bulgariyanın Kavarna kasabasının primarı Nina STAVREVA, delegaţiyalar Türkiyedän, Belorusiyadan, Bulgariyadan, Romıniyada, Rusiyadan hem Ukraynada.
valkanes (1)

Kutlama yortusunu açtı Valkaneş kasabasının primarı Viktor PETRİOGLU. Sora biri-biri ardı sözlerini söledilär Kurbanın musaafirleri.

Kendi sözündä Türkiye Kişinev Büükelçisi Hulusi KILIÇ söledi, ani Türkiye başa çıkaracek Valkaneşin su pproektını hem buyur etti Valkaneş primarı Viktor PETRİOGLU Türkiyeyä ofiţial bir vizit yapsın.
valkanes (2)

Moldovanın “Bizim Partiya”nın viţe-predsedatelleri Dimitriy ÇUBAŞENKO hem Nikolay ŢİPOVİÇ baaşladılar Valkaneşä 2000 m² trotuar plitkası için Sertefikat.

Kurban günündä Valkaneş kasabası hem Bulgariyanın Kavarna kasabasının arasında işbirlii hem kardaş-kasabalar annaşması imzalandı.

O günü, Valkaneş kasabasının Kurbanının bakılma çerçevesindä, kasabada şenniklär hem büük konţertlär oldu.

Fotolar: Valkaneş kasabasının saytında.

BİR CUVAP YAZIN