kongaz_yaponiya_grant_

02.03.2017, tarafından yazılı , CÜMNE BÖLÜMÜ, 192 KERÄ BAKILMIŞ

Yaponiya büükelçiliindän Kongaz “Todur Zanet” teoretik liţeyinä grant

Baba Marta ayın 2-dä Yaponiya Kişinev büükelçiliindä oldu bir sıra, angısında imzalandı kontraktlar “Kusanone” adlı İnsannık Korunmasında grantları kazanan altı kuruluşlarlan.
kongaz_yaponiya_grant_1

Nicä açıkladı Moldovada Yaponiya Büükelçisi Masanobu YOSHİİ sıranın ofiţal açılışında, bu “Kusanone” adlı İnsannık Korunmasında grantlar 2008-ci yıldan beeri veriler. Şindiyadan, sekiz yılın içindä, bu grantlarlan 3,3 milion ABD dolarına 38 proekt yapıldı. Bu kerä grantlar için ayırıldı 444 bin 270 ABD doları.

Altı proekt için grantların içindän dördü verildi Moldovanın saalık, ikisi da üüredicilik kuruluşlarına. Bu kuruluşların birisi da Gagauziyadan Kongaz “Todur Zanet” teoretik liţeyi oldu.
kongaz_yaponiya_grant_2

Bu liţey için grant kontraktını imzaladılar liţeyin direktoru İordan Nikolaeviç YASIBAŞ hem Moldovada Yaponiya Büükelçisi Masanobu YOSHİİ.

Nicä bildirdi kontraktı imzaladıktan sora İordan Nikolaeviç YASIBAŞ, bu grant liţeyin yısıtma sistemasını enidän kurmaa deyni kullanılacek.

BİR CUVAP YAZIN