yıldırım_haber_1

26.03.2020, tarafından yazılı , CÜMNE BÖLÜMÜ, 150 KERÄ BAKILMIŞ

YILDIRIM HABER: Moldovada pasportsuz evdän çıkmak hem 3 kişidän zeedä toplanmak zapa altında

Baba Marta ayın 26-da avşamneyin yapılan brifingta Moldovanın Premyer-ministrusu İon KİKU bildirdi, ani başlayıp Baba Marta ayın 27-dän beeri Moldovada pasportsuz yada bülütensiz evdän çıkmak hem 3 kişidän zeedä toplanmak zapa altına alındı.

Bundan kaarä hepsi vatandaşlar lääzım cuvap versinnär polițiya yada başka kuvet organnarın tarafından onnarın önündä koyulacek soruşlara.

Bu konuylan ilgili Moldova içişleri ministrusu Pavel VOYKU açıkladı, ani “lääzım olacek kuvettä bulunannara dooru annatmaa, ani biz gideriz işä, doktora, aptekaya yada tükäna iyecek almaa. Başka türlü cümne erlerdä bulunmaa zapa altındadır”.

Baba Marta ayın 27-dän beeri cümne erlerdä gecä yada gündüz 3 kişidän zeedä toplanmak zapa altına alınêr.

BİR CUVAP YAZIN