arnaut_yulea

24.10.2016, tarafından yazılı , CÜMNE, KULTURA, KULTURA ÖMÜRÜ BÖLÜMÜ, 1129 KERÄ BAKILMIŞ

Yuliya ARNAUT “Türkvizion-2016”da Gagauziyayı temsil edecek

Canavar ayın (oktäbri) 22-dä Komrat kultura Evindä, “Can Dalgasında” I-ci gagauz êstrada yarışmada enseyip, Gagauziyayı İstanbulda “Türkvizion-2016” genç türkücüyka Yuliya ARNAUT türküylän “Kemençä” (laflar – Todur ZANET, muzıka – İlya FİLEV) temsil edecek.

Yuliya ARNAUT 25 yaşında. Duudu Gagauziyanın Kongaz küüyündä. Muzıka dünnäsına daldı 12 yaşından beeri, açan anası getirdi onu muzıka şkolasına, akordionda üürenmää deyni.

2006-cı yılda başardı Kongaz 1-ci teoretik liţeyini (bu gün Todur ZANET teoretik liţeyi).

2010-cu yılda bitirdi üürenmää Komrat “Mihail ÇAKİR” pedagogika kolecında, kabledip zanaat “muzıkada üürediciyka”.

2015-ci yılda başardı Tiraspoldaki Pridnestrovye Devlet Universitetını, kabledip “muzıka hem üncäzanaat ustalıı” uurunda zanaatı.

Çeşitli muzıka festivallerdä hem yarışmalarda pay hem ödül aldı: Tiraspoldä olan «Признание» konkursun “Vokal” nominaţiyasında “Gran-Pri” ödülü (2012 y.), Patriotika Açık Festivalin «Песни Великой Победы» nominaţiyasında 2-ci er (2013 y).

Büünkü gündä Yuliya ARNAUT çalêr Pridnestrovye Devlet Horunnda, Bender kasabasının “Rondo” vokal-êstrada ansamblinin solistkası hem da “Drayv-Bênd” káver grupanın solistkası.

BİR CUVAP YAZIN