EKONOMİKA BOLUMU

mersin_gagauziya (1)
Moldovada bulunan Türkiye Mersin kasabasının iş adamnarı delegațiyası Kirez ayın (iyün) 18-dä Gagauziyalan tanıştı. Türkiye Mersin kasabasının iş adamnarın delgațiyasının başında vardılar Türkiye Mersin baş primariyası Başkanı Vahap SEÇER hem Mersin İndustriya hem alış-veriş Odasının Başkanı Ayhan KIZILTAN. İş adamnarının Gagauziyalan tanışmadan sora, Komrat regional resim Galereyasında oldu bir buluşmak, neredä pay aldılar hem Türkiyedän delegațiya azaları hem Gagauziyadan biznesmennar. Onnarın önündä nasaat edän Gagauziya Başkankası açıkladı, ani Gagauziyada türlü uurlarda var nicä investițiya yapmaa: başlayıp çiftçiliktän hem başarp İT tehnologiyalarınnan. Selemnedilär iş adamnarını Türkiye Respublikasının Gagauziya Komrat Başkonsulu HasanTAA DERINDÄN
mersin_is_admnarı (1)

2022.06.17,Ana Sözü TARAFINDAN YAZILI, CÜMNE, EKONOMİKA BOLUMU

Türkiye Mersin kasabasının iş adamnarı Moldovada

Bu günnerdä Moldovada Türkiyedän büük bir iş adama delegațiyası bulunêr. Delegațiyanın başında Türkiye Mersin baş primariyası Başkanı Vahap SEÇER var hem delegațiyada Mersin İndustriya hem alış-veriş Odasının Başkanınnan birliktä bu Odanın aza iş adamnarı bulunêrlar. Kirez ayın (iyün) 16-da bütün Türk delegațiyası, Türkiye Kişinev Büükelçisi Gürol SÖKMENSÜERlän birliktä, Moldova dışişleri ministrusu Niku POPESKU (Nicu Popescu) tarafından kabledildi. Hep o günü Türkiyedän iş adamnarı delegațiyasınnan buluştu Moldova ekonomika ministrusu Sergey GAYBU (Sergiu Gaibu) da.TAA DERINDÄN
gaz_kolaj_

2021.11.09,Ana Sözü TARAFINDAN YAZILI, CÜMNE, EKONOMİKA BOLUMU

Eni paa diil, ani tuzluca, ama kär pek yakıcı!

Kasım ayın 9-da Energetikada Düzennemä Milli Agenstvosu (EDMA) Moldova vatandaşlarına deyni bir Kasımdan beeri kurdu eni gaz paasını – 11,08 ley bir metra kub için. Esaba alarak, ani Kasımın birinädän moldovalılar ödärdilär 4,2 ley bir metra kub için, eni paa diil, ani tuzluca, ama kär pek yakıcı. Ama bu kimin uurunda? EDMA başkanının Ştefan KRÄNGAnın laflarına görä – bu bir ön paa, o taa diişecek. Ama angı tarafa diişecek Canabisi açıklamadı. Kolaj: point.mdTAA DERINDÄN
Fatih_Metin_1
Kasımın 4-dä Moldovanın çiftçilik çorbacılıı hem iyecek industriyası ministrusu Viorel GERÇİU buluştu Türkiye çiftçilik hem daacılık ministerliin ministru yardımcısı Fatih METİN başkannıında Türkiye delegațiyasınnan. Buluşmada çiftçilik çorbacılıın hem çiftçilik mallarınnan alış-veriş uurunda işbirlii soruşları incelendi. Bundan kaarä önä sürüldü başka uurlardada ortaklık kurulmasınnan ilgili tekliflär da bakıldı. Moldova bekleer, ani Türkiye tarafından investițiya yapılsın, ki kurmaa zarzavat hem eşillik büütmesindä ortak kuruluşları. Buluşmada iki taraf arasında 2021-ci yılda şarapçılık alış-verişi ölçüleri da bakıldı. Bunda sekiz ayın içindä Moldova tarafın eksportu yaklaşık altı milion dolar oldu, ne, bıldırkı țıfralardan taa üüsek.TAA DERINDÄN
spınu_miller
Moldovanın infrastruktura hem regionnar ilerlemesi işlerindä ministerlii açıkladı “Moldovagaz”lan “Gazprom”un arasında gaz için annaşma protokolunu – «Протокол переговоров по урегулированию проблемных вопросов в газовой отрасли Республики Молдова».TAA DERINDÄN
gaz_bobası_hem_kizi_
Cumaa günü, Canavar ayın 29-da, Sankt-Peterburgtan geldi haber, ani Rusiyaylan Moldova annaşmışlar, ani CAB “Gazprom” (oku: “boba”) hem AB “Moldovagaz” (oku: “bobanın kızı”) taa beş yıla uzatmaa Moldovaya rus gazının gelmesi için kontraktı. Bildiriler, ani bu iş olmuş Cümne Akționer Bürlii (CAB) “Gazprom” Pravleniyasının Başı Aleksandr MİLLERlän yapılan annaşnalarlan, neredä aracılık işini yapmış Moldovanın vițe-premyer-ministrusu, infrastruktura hem regionnar ilerlemesi işlerindä ministrusu Andrey SPINU hem neredä pay almış AB “Moldovagaz” Pravleniyasının Başı Vadim ÇEBAN. Sölener, ani bu iş yapılmış “karşılıklı yararlı koşullarda”. Bu gaz Moldovaya kaça satılacek hem kimä deyni buTAA DERINDÄN
invest_forum

2020.10.24,Ana Sözü TARAFINDAN YAZILI, CÜMNE, EKONOMİKA BOLUMU

VI-cı Halklararası “Invest Gagauzia-2020” Forumu

Komradın eni yapılan stadionunda, ani Türkiye Prezidentı Sayın Recep Tayyip ERDOĞANın Gagauziyaya 2018-ci yılın Canavar ayın 18-dä vizitı zamanında verilän izininä görä Türkiye Pravitelstvosu tarafından Komratta yapılêr, 2020-ci yılın Canavar ayın (oktäbri) 23-24 günnerindä geçer VI-cı Halklararası “Invest Gagauzia-2020” investiţiya forumu, angısında, Gagauziya tarafından kaarä, pay alêrlar Moldova öndercileri, diplomatlar, erindeki hem aşırı develtlerdän biznesmennar. VI-cı Halklararası “Invest Gagauzia-2020” Forumun birinci günündä açılış nasaatını yaptı Gagauziya Başkanı İrina VLAH, angısından sora kutlama hem selemnama sözlerini tuttular Moldova Premyer-ministrusu İon KİKU, Moldova Türkiye Büükelçisi Gürol SÖKMENSÜER, Moldova Rusiya Büükelçisi Oleg VASNEȚOV.TAA DERINDÄN
yol

2020.07.09,Ana Sözü TARAFINDAN YAZILI, CÜMNE, EKONOMİKA BOLUMU

Zavalı Kongaz-Baurçu yolu

2011-ci yıldan beeri, istoriyada artık dördüncülää, Gagauziya öndercileri büük tantalalıklan söledilär, ani Hederlez ayında Moldova Pravitelstvosu Kongaz-Baurçu yolun remondu için 48 milion ley verdi da yol işleri genä başlêêrlar. Sevindirici bir haberdi. Bildirildi, ani 6 kilometralık yol yapılacek en uygun standartlara görä. Çiinenmiş taşlar üstünä 2 kat çetin asfalt koyulacek da işlär yılın sonunadan başarılacek. Hemen bulundu firma da (neredän bulundu biri açıklamadı?), ani çabuk tutundu iştän da hemen, işi bozdu. Orak ayın (iyül) 6-da Kongaz-Baurçu yolunda işleri kontrol etti Gagauziya İspolkomun komisiyası da buldu, ani işlär hiç bir standartaTAA DERINDÄN
meslek_okulu
Küçük ayın (fevral) 3-7 günnerindä Gagauziya ispolkomun delegațiyası bulundu Türkiye Respublikasında, neredä inceledi buradakı industriya hem zanaat kolecların çalışmasını, bildirer gagauz.md saytı Gagauziya İspolkomu Predsedatelinin üçüncü yardımcısı Olesä TANASOGLUnun başkannıında olan delegațiya bulundu Ankara Altındağ “Atatürk mesleki ve teknik anadolu lisesi”ndä hem “ASO teknik kolecında”. Bundan kaarä Gagauziyadan delegațiya katıldı bir toplantıya, ani oldu Türkiyenin üüredicilik ministerstvosunda, neredä Komratta yapılacek “Recep Tayyip ERDOĞAN üüredicilik kompleksı”na deyni Türkiyedä üüredici hazırlamaa deyni soruş koyuldu.TAA DERINDÄN
invest_forum (2)_1
Kasımın (noyabri) 8-9 günnerindä Komratta geçti V-ci Halklararası “Invest  Gagauzia-2019” investiţiya forumu, angısında pay aldılar 13 devlettä delegațiyalar. Bu delagațiyaların arasında en büüktü Türk işadamnarın delegațiyası. Gagauziya Başkanı İrina VLAHın açılış sözündän sora Forumda pay alannara danışmak nasaatı tuttular Moldova Prezidentın ekonomika soruşlarında danışmanı Elena GORELOVA, Moldova Türkiye Büükelçisi Gürol SÖKMENSÜER hem Rus Federațiyasından Oleg MELNİÇENKO. Bu sözlerdän sora Forumun plenar toplantısı oldu. İki gün çalışmalarda Forumda türlü proektların tanıdılaması oldu. O proektların birisinin “Recep Tayyip ERDOĞAN üüredicilik kompleksı” için annatı Türkiyenin Türk İşbirlii hem Koordinaţiya Agenstvosu Başkannıın (TİKA) KişinevTAA DERINDÄN