Nicä bildirdi bu şkolanın hem studiyanın önderciykası Olesä BARLADÄN, Gagauziyayı vokal uurunda II-ci “İncäzanaat bizi birleştirer” halklararası konkurs Festivalindä temsil ettilär “Güneş çancaazı” vokal şkolasının hem “Voice Show Studio” örnekli vokal studiyasının 6 solistı hem solistkası: Darya KAZAK, Dimitriy BODUR, Anastasiya STOYANOGLU, Darya İKİZLİ, Kaseniya TÜFEKÇİ hem Eva DUDUŞ.

Bu talantlı uşaklar Festivalin jürisinin önünä 13 vokal hem instrumental nomerleri çıkardılar. Jüri tarafından bu nomerlerin kantarlamasından sora, Gagauziyadan vokalcılarda 1 – 3-cü er ödülü, 3 – 2-ci er ödülü, 5 – 5-ci er ödülü, 1 – “Trafeu” ödülü hem dä 3 – “Grand-Pri” ödülü.

Gagauziya kultura Upravleniyası tarafından hazırlanan VIII-ci “Pek gözäl seslerin ihlamı” Respublikalı festivalinä katıldılar: “Andrey Valkov” adına Komrat munițipiyi uşak muzıka şkolası, “Çipriyan Porumbesku” adına Belț munițipiyi incäzanaat şkolası, “Cörce Enesku” adına Belț munițipiyi muzıka şkolası, Kişkaren küüyün muzıka şkolası (Sıncereni rayonu), Taraklı rayonun incäzanaat şkolası, “Grigoriy Murzakov” adına Tvardița kasabasının incäzanaat şkolası, Çadır munițipiyi uşak muzıka şkolası, Çeşmä küüyü uşak muzıka şkolası hemValkaneș kasabası uşak muzıka şkolası.

Komrat Kultura Evin sțenasında bu muzıka şkolaların üürencileri hem üüredicileri tarafından hazırlanan hem çalan programada öttülär fortepiyano, kauş, kemençä, akardion, gitara, kaval, bayan hem gayda havaları. Bundan kaarä vokal kolektivları hem solistlär estrada hem halk türkülerin çaldılar.

O günü VIII-ci “Pek gözäl seslerin ihlamı” Respublikalı festivali oldu haliz bir incäzanaat yortusu hem onda pay alannara, hem da bu sonsuz muzıka zenginniini seslemää gelennerä deyni.

“Kadrada zaman” foto yarışmasının sonuçların açıklaması hem foto sergisinin ofițial açılışını yaptılar Gagauziya Başkankası Evgeniya GUȚUL hem Gagauziya kultura Upravleniyası başı Marina SEMENOVA.

Yukarda adı belertilän foto yarışması yapıldı 5 nominațiyada hem ona katıldı 11 foto ustası hem genç fotografçılar.

“Kadrada zaman” foto yarışması jürisinin açıklamasına görä, nominațyalarda erlär bölä payedildi:

“Grand-pri” nominațiyasının ödülünü kazandı Zinaida KOVALÖVA.

“Gagauziya – 30” nominațiyası:

1-ci er – Todur ZANET;

2-ci er – Diana BOEVA;

3-cü er – Mariya GAGAUZ.

“Kultura varlıı” nominațiyası:

1-ci er – Natalya MUTAF;

2-ci er – Mariya ARNAUT;

3-cü er – Marina ANGELÇEVA.

“Tabiat” nominațiyası:

1-ci er – Sergey PETİŞ;

2-ci er – Viktoriya BELEKÇİ;

3-cü er – Olga MART.

“Siiredicilerin maasuz ödülü” nominațiyasında ödülü kazandı Anastasiya VORNİKOVA.

“Kadrada zaman” foto yarışmasını kazanannara ödülleri verdilär Gagauziya Başkankası Evgeniya GUȚUL, Gagauziya kultura Upravleniyası başı Marina SEMENOVA hem TÜRKSOY muzeylär bölümü başı Cavid MÖVSÜMLÜ.

Yarı gagauzça hem taa çok türkiye türkçesindä hem da orfografiyasında hazırlanan “DMİTRİY KARA ҪOBAN RESİMCİ. HEYKELCİ” katalogun prezentațiyası oldu Gagauziyanın Regional resim Galereyasında Hederlez ayın 27-dä hem orada pay aldılar kultura insannarı, üüredicilär, muzeycilär hem sıradan insannar.

Prezentațiya zamanında Gagauziya kultura Upravleniyasının başı Marina SEMENOVA urguladı, ani “2024-cü yıl pek bereketli oldu kultura hem incäzanaat uurunda”, çünkü Gagauziyada çok faydalı hem paasız kiyatlar dünneyi gördülär.

Gözäl sözlär katalog için söledilär Gagauziya kultura insanı Vera SİBOVA hem başkaları.

Prezentațiya zamanında Mihail ÇAKİR adına pedagogika kolecın üürencileri Mariya BOGDAN, Kseniya KOÇANCI hem İlya PANAİTOV okudular Dimitriy KARA ҪOBANın yazdıı peetleri.

Yayınnanan kataloga toplu Dimitriy KARA ҪOBANın resimnerinin hem skulpturaların reprodukțiyaları.

“Bir vakıt varmış, bir vakıt yokmuş…” masal kiyadın donaklanma ideyası alınmış Todur ZANETin hazırladıı hem 2017-ci yılda dünneyi görän 4 dildä yapılı olan 594 sayfalık “Gagauz halk masalları”, “Gagauz Folk Tales”, “Poveşte populare găgăuze”, «Гагаузские народные сказки» kiyadından, angısının donaklamasında kullanıldı Komrat “D. Savastin” uşak resimcilik şkolasının üürencilerin maasuz yapılan resimneri. Eni çıkan bu masal kiyadında da bu fikiri ödünç alarak, kiyadı hazırlayannar artık bütün Gagauziyanın, ani Valkaneş, Komrat, Çadır resimcilik şkolaların üürencilerin resiminerini kullanmışlar.

Maasuz bu iş için Gagauziyada “Kendi masalını resimnä” adlı bir konkurs yaradıldı, angısında üç boy üürencilerin arasında yarışma yapıldı hem en iileri seçildi:

8-9 yaş arasında

1-ci er – Olga UZUN, Komrat “D. Savastin” uşak resimcilik şkolası;

2-ci er – Nikolay VOVÇİK, Komrat “D. Savastin” uşak resimcilik şkolası;

3-cü er – Kseniya KÖLÄ, Valkaneş uşak resimcilik şkolası.

10-13 yaş arasında

1-ci er – Viktoriya STOYAMOVA, Çadır “D. Erbakan” uşak resimcilik şkolası;

2-ci er – Svetlana MACAR, Valkaneş uşak resimcilik şkolası;

3-cü er – Mariya TERZİ, Komrat “D. Savastin” uşak resimcilik şkolası.

14-17 yaş arasında

1-ci er – Aleksandra DİMOVA, Çadır “D. Erbakan” uşak resimcilik şkolası;

2-ci er – Mariya LARİONOVA, Çadır “D. Erbakan” uşak resimcilik şkolası;

3-cü er – Artöm NAVİN, Komrat “D. Savastin” uşak resimcilik şkolası.

“Kendi masalını resimä” konkursunda pay alannara hem hepsi uşaklara, kimin resimneri bu masal kiyadına girdi, Diplomnar hem baaşışlar verildi.

“Bir vakıt varmış, bir vakıt yokmuş…” masal kiyadın prezentațiyasında pay aldılar Gagauziyanın uşak resimcilik şkolaların üürencileri, direktorları hem üüredicileri, Gagauziya kultura Upravleniyasının zaametçileri, analar-bobalar.

Prezentațiyada Çadır D. Tanasoglu adına gagauz-rus teatrusu gösterdi bir masal pyesasını “Keçicik, angısı bilärmiş saymaa 10-na” (not. – bilmeeriz kim çevirmiş bu adı gagauzçaya, ama rus dilindän kalyka taa uzaktan belli, çünkü gagauzça lääzım olsun – “Onadan saymaa bilän keçicik”).

“Karı gözelliin uygunnuu” sergisindä sergili 66 yaratma, ani yapılı çeşitli janralarda: patret hem avtopotret, peyzaj, grafika hem neyrografika. Yaratmalar yaradılı akrillan, akvarellän, renkli markerlarlan, tuşlan, yaalı boyalan. El işlerindän sergilener türlü keramika işleri hem kuklalar.

Bu yıl sergidä pay aldı 13 ressimciyka Gagauziyadan hem komşu erlerdän:

Komrattan – Olga DİMİTROGLU, Mariya DİMOGLU, Nadejda DYANOVA, Vera JEKOVA, Olga KREȚU, Anastasiya ORMANCI, Larisa ORMANCI, Svetlana PANAİTOVA, Nina PEEVA, Anastasiya RAKAVÇENA; Basarabkadan – Tatyana KASIM (Tetrioglu); Vişnevka küüyündän – Natalya KOJOKAR.

Serginin açılışında resimciykaları Karılar gününnän kutladılar hem selemnadılar Gagauziya kultura Upravleniyasının başı Marina SEMENOVA hem Gagauziyanın Regional resim Galereyasının direktoru Lübov GAVRİLOVA.

Sıra katılannar için çaldılar “Elegiya” kemençecilär ansamblisi hem Vitaliy MANJUL.

Sergi açık olacek Baba Marta ayın 29-dan.

“Pek gözäl seslerin ihlamı” VII-ci Respublikalı festivali hazırladı hem geçirdi Gagauziya kultura Upravleniyası, angısı kolaylık verdi Komrattakı sțenada kendi ustalıklarını göstersinnär ölä uşak muzıka şkolalarını, nicä:

– Andrey Valkov adına Komrat munițipiyi uşak muzıka şkolası;

– Gerasim Lupoy adına Orhey munițipiyi uşak muzıka şkolası;

– Mihay Dolgan adına Sıncerey kasabasının uşak muzıka şkolası;

– Kişkaren küüyün muzıka şkolası (Sıncereni rayonu);

– Çeşmä küüyü uşak muzıka şkolası;

– Evgeniy Koka adına Soroka munițipiyi incäzanaat şkolası;

– Çimişli kasabasının incäzanaat şkolası;

– Cörce Enesku adına Belț munițipiyi muzıka şkolası;

– Valkaneș kasabası uşak muzıka şkolası;

– Genadiy Çebanı adına Edineț munițipiyi uşak muzıka şkolası;

– Çipriyan Porumbesku adına Belț munițipiyi incäzanaat şkolası;

– Kruglik küüyün incäzanaat şkolası (Kriulän rayonu);

– Çadır munițipiyi uşak muzıka şkolası;

– Taraklı rayonun incäzanaat şkolası;

– Grigoriy Murzakov adına Tvardița kasabasının incäzanaat şkolası.

“Pek gözäl seslerin ihlamı” VII-ci Respublikalı festivalin açılışında katılannarı selemnemä sözünnän danıştı Gagauziya kultura Upravleniyasının başı Marina SEMENOVA. Nedän sora, biri-biri ardı sțenaya çıkan körpä hem genç muzıkantlar, instrumental muzakasını çalmakta, fortopyano duetlarında, fleytacı, akordion, bayancı, gaydacı, ansamblilerindä, kendi becerikliklerini gösterdilär. Bundan kaarä, vokal kolektivları, estrada hem halk türkülerini çalannar da siiredicileri sevindirdilär.

“Pek gözäl seslerin ihlamı” VII-ci Respublikalı festivalin sonunda, hepsi katılannara “Anmak diplomnarı” hem ödüllär verildi.

“ENİ TÜRKÜ” yarışmasında vardı nicä katılsınnar gagauz dilindä türkülärlän 14 yaş yukarı olan kişilär (solistlar, duetlar, triolar hem ansamblilär) hem onda pay aldılar: İlyä hem Evdokiya KÖSÄlär (“Gagauziyam” türküsünnän), Yuliya ARNAUT  (“Analar” türküsünnän), “Serin-su” vokal ansamblisinin solistleri İrina GERASİMOVA hem Valeriy ARNAUT (“İnanmêêrım” türküsünnän), Andrey PALİK (“Воваmа” hem “Gelsän” türkülerinnän), Tatyana UZUN (“Sevgili küüyüm Kıpçak” türküsünnän), Mihayil PAÇİ (“Hederlez” türküsünnän), Viktoriya ARNAUT (“Sendän sora” türküsünnän), İlyä KALAK (“Kasım yortusu” türküsünnän), Tatyana KARASENİ (“Küçük bir vatanım” türküsünnän), “TOZİ” grupası (“Kırbaalı küyüm” türküsünnän), Andrey İVANOV (“Aalemin” türküsünnän), Evdokiya PETKOVİÇ (“Aylä türküsü”nnän), Sergey ARABADCI (“Yaz geçti” türküsünnän), Marina TOPAL (“İnan” türküsünnän), Vasiliy VARBAN (“Kurtulmak yolu” hem “Gelmäz geeri” türkülerinnän),  “ANA TARAFIM” vokal-instrumental ansamblisi (“Vatanım” türküsünnän).

Yarışmanın jürisi oldular Gagauziyanın hem Moldovanın anılmış insannarı: Marina RADİȘ –opera zannatçısı, “Maestru ın Arta”; Tatyana ŞÖGOLEVA – “Düz-Ava” gagauz türkü hem oyun ansamblisinin artistik öndericisi, “Maestru ın Arta”; Mariya TARANENKO – “Kadınca” türkü hem oyun ansamblisinin artistik öndericisi, “Gagauziyanın kıymetli kultura zaametçisi”; Pötr PETKOVİÇ – anılmış türkücü, muzıkacı, “Maestru ın Arta”; Mihayil REZUNEȚ – aktör, dramaturg, rejisör, “Gagauziyanın kıymetli kultura zaametçisi”; Elena MOKANU – gagauz dili üüredicisi, peetçi, “Gagauz yazıcılar birlii” azası.

“ENİ TÜRKÜ” yarışmasının siiredicileri arasında vardılar Gagauziya Başkankası Evgeniyä GUȚUL hem İspolkom azaları da.

Yarışma başında hepsi insannara selemnemä hem nasaat sözünnän danıştı Gagauziya kultura Upravleniyasının başı Marina SEMÖNOVA.

Jürinin kararına gärä “ENİ TÜRKÜ” yarışmasının ödülleri bölä payedildi:

I-ci “ENİ TÜRKÜ” yarışmasının Grand-Pri ödülünü kazandı Yulya ARANAUT – türkü “Analar” (laflar Todur ZANET, muzıka – İlya FİLEV).

Kalan nominațiyalarda:

“En islää muzıka hem aranjirovka”: 1-ci er – kompozitor, “Maestru ın Arta” İlya FİLEV (türkü “Analar”); 2-ci er – Viktoriya ARNAUT; 3-cü er – “ANA TARAFIM” vokal-instrumental ansamblisi.

“En islää türkü lafları”: 1-ci er – poet Todur ZANET (türkü “Analar”); 2-ci er – Tatyana GAYDARCI; 3-cü er – Andrey PALİK.

“En islää türkücü”: 1-ci er – Andrey İVANOV (türkü “Aalemin”); 2-ci er – İlyä hem Evdokiya KÖSÄlär; 3-cü er – Evdokiya PETKOVİÇ.

“Siiredicilerin maasuz ödülü”: Tatyana UZUN.

Çoktan beklenän bu kiyat verer kolayını muzıka şkolaların üürencilerinä raat üürenmää gagauz kompozitorlarının yaratmalarını hem uyêr şindiki kurikulum istediklerinä.

Kiyadı hazırlayn avtorlar işleerär Komrat muzıka şkolasında, da pek islää bilerlär ne zorluklarlan üürencilär hem üüredicilär karşı gelerär. Onuştan da L. KORNEVA, Y. KOVATAR hem İ. LÜLENOV karar almışlar bir kap altında toplamaa anılmış gagauz kompozitorları Mihail KOLSA, Nikolay KÖSÄ, İlya FİLEV, Dionis TANASOGLU, Dimitriy GAGAUZ hem taa başkaları için materialları.

«Гагаузская музыкальная литература» (“Gagauz muzıka literaturası”) kiyadı verecek kolayı taa bir işä – üürencilerä hem üüredicilerä milli, folklor, akademik muzıkalarına saygı hem sevgi haşlamaa.

Kiyadın redaktoru – incäzanaat aaraştırmasında habilitat doktoru E. S. MİRONENKO.

Kiyat tiparlandı Gagauziya kultura upraavleniyasının para yardımınnan. Tirajı – 200 taanä.

İvan LÜLENOV, “A. Valkov” adına Komrat muzıka şkolasının üüredicisi

Bunu aklında tutarak, Çadır kasabasının Uşak yaratmak Merkezin “L” adlı Modalar Teatrusunun öndercisi Lidiya İvanovna TODİEVA hazırladı bu şaşılacek gözäl, kıvrak dikili “Palkellelik fistannarı” hem kırnak fıtaları.

Belliki, bu gözäl rubaları gözellederlär Çadır kasabasının Uşak yaratmak Merkezin “L” adlı Modalar Teatrusunun modelleri Valeriya PATOSKA hem Ekaterina NİKOLAEVA.

Şükür sizä, Lidiya İvanovna, ani dirildersiniz hem koruyêrsınız gagauzların adetlerini hem Gagauz milli rubalarını!