2025-ci yılın Kırım ayından (dekabri) 2026-cı yılın Hederlez ayınadan (may) geççti karı kulluu arasında Moldova U-18 voleybol çempionatı hem voleybolun 1-ci Ligasında yarışmalar, angılarında büük başarıylan kendilerini gösterdilär Gagauziyanın Komrat Munițipiy Sport Şkolasının (MSŞ) volebolcuykaları.

1-ci Ligada yarışmalarda MSŞın voleybolda karma komandası, Pley-of finalına çıkıp, 4-cü eri kazandı. Ama karı kulluu arasında voleybolda 2026-cı yılın Moldova U-18 voleybol çempionatında vițe-çempion oldu hem gümüş medalileri kazandı.

Bu büük başarı yolunda onnara yardımnar için komandanın trenerlararı hem administratorları şükür ederlär Komrat Munițipiy Sport Şkolasının (MSŞ) öndercilerinä, komandanın mețenatına İvan KARAya, Komrat primariyasına hem Munițipiy Sovetinä, Komrat Devlet Universitetına.

Bu başarı – diil salt Komradın, ama o – bütün Gagauziyanın!

Kutlama sırasında Gagauziya İspolkomu Predsedatelin yardımcısı İlya UZUN, Gagauziya Başkankası Evgeniya GUȚULun adından, şükür etti hepsi güreşçilerä hem trenerlara Gagauziyayı memlekettä hem halklararası uurunda sportta en üüsek erlerä kaldırmaları için, onnarın yıllar boyunca zaametleri hem güreşä eminni olmaları için.

O günü “Gagauziya (Gagauz Yeri) Ordenı” verdildi güreşçilerä: Aleksandr GAYDARLIya, Aleksandr ROMANOVa, Nikolay GRAHMEZä, Pötr YANULOVa hem Dimitriy MALENKOVa. Bundan kaarä, onnarı hem taa çok gürşçi boylarını hazırlayan trenerlara Pötr KURUya, Födor TUKANa, Evgeniy NEDÄLKOya hem İlya ESİRä da bu üüsek ödül verildi.

Gagauziya İspolkumunun önündä büük güreşçimizi Aleksandr GAYDARLIyı tuz-ekmeklän hem “Düz Ava” ansamblisinin oyunnarınnan karşladılar Gagauziyanın öndercileri hem İspolkom azaları, Halk Topluşun deputatları, anılmış trenerlar hem sportsmennar.

Sora da, yortulu bir sırada, Canabisinä Gagauziyanın en büük ödülünü – “Gagauziya (Gagauz Yeri) Ordenı” verdilär.

Gagauziya Başkankası Evgeniya GUȚULun adından bu şannı ordenı vereräk, Gagauziya İspolkomu Predsedatelin yardımcısı İlya UZUN urguladı, ani Aleksandr GAYDARLInın başarısı – bu Gagauziya hem Moldova için halklararası arenada bir hodulluk hem şannık işidir.

İlya UZUN şükür etti genç güreşçimizä ter-su içindä çalışması hem çetin adımnarlan enseyişlerä gitmesi için. Ayırıca Canabisi saa olsunnar dedi sportsmenın anasınnan-bobası hem onun trenerları da – haliz bir çempionun etiştirmeleri için.

“Gagauziya (Gagauz Yeri) Ordenı”ndan kaarä, serbest gürşetä Evropanın çempionuna hem vițe-çempionuna Aleksandr GAYDARLIya, gagauz halkın adından, 100 000 ley para ödülü dä verildi.

Serbest güreştä Evropa güreş çempionatın finala yolunda Aleksandr GAYDARLI ensedi Bulgariya (10:0), Polşa (12:2) hem Vengriya (11:0) güreşçilerini.

Finalda sa bizim anılmış güreşçimiz Rusiyadan çift dünnä çempionu hem çift Evropa çempionu David BAEVlan Çiçek ayın 25-dä baş-başa geldi. Pek meraklı hem görümnü bir güreştä Aleksandr GAYDARLI David BAEVa bir bal taradıp (1:2) hem çempionatın gümüş medalisini kazanıp, serbest güreştä Evropanın vițe-çempionu oldu.

Kutluca olsun Aleksandr GAYDARLI, kurluca olsun Gagauziya, kutluca olsun Moldova!

Tiranada geçän Evropa güreş çempionatın finalda Türkiye güreşçisi Rıza KAYAALP, Vengriyadan güreşçiyi Darius Attila VİTEKi 7-1 enseyip, Evropanın güreşçilik istoriyasında en çok çempion olan tek başına bir sportsmen oldu hem bununnan rus güreşçisinin Aleksandr KARELİNin rekordunu kırdı.

Tiranadakı çempionnuk için final Rıza KAYAALPın yaşamasında Evropa çempionatlıında 15-ci oldu hem onnarın 13-dä Canabisi altın medalileri kazandı.

Taa o günü Türkiye Prezidentı Recep Tayyip ERDOĞAN sefaa olan Evropa çempionunu Rıza KAYAALPı telefondan aarayarak, bölä bir büük başarıylan kutladı.

Moldovanın gençlär arasında sambo güreşindä çempionatında pek islää kendilerini gösterdi Çeşmäküüyün teoretik lițeyin üürencileri – alıp 8 medali, onnar Moldovanın en islää 3 komandasının birisi oldular.

Sambo güreşindä Moldova çempionnuunu hem altın medalilerini kazandılar: Evgeniy ÇOBAN (33 kg), Dimitriy PERÇEMLİ (36 kg) hem Artöm KÖSÄ (46 kg).

Gümüş medalileri aldılar: Egor KASAP (53 kg), Ekrem URUM (64 kg) hem Vladimir MOLDOVAN (+79 kg).

Bronza medalileri aldılar: Artöm KASAP (39 kg) hem İlya ANGELOGLU (64 kg).

Bu gözäl başarıya çeşmäküülü genç sambocuları hazırladı trener Mihail BERBER.

Kutluca olsun!

Baba Marta ayın 10-da Aleksandr GAYDARLI, finalda Rusiyadan güreşçiyi Magomet-Emi ELTEMİROVu 3:2 enseyip, Moldova için altın medaliyi kazandı hem Evropa çempionu oldu.

Bu parlak altın medaliya hem çempionnaa yolunda Aleksandr GAYDARLI hepsi konkurentlarını amansız ensedi: Gruziyayı 10:0, Azerbaycanı 11:0 hem Ukraynayı 10:0.

Kutlêêrız Moldovayı, kutlêêrız Gagauziyayı, kutlêêrız Aleksandr GAYDARLIyı hem onu bu başarıya hazırlayan Rusiyanın kıymetli trenerını Stanislav Födoroviç RAMONOVu hem dä Moldovanın kıymetli trenerını Pötr VLAH, angısının kanadı altında örüyer serbest güreştä Evropa çempionu Aleksandr GAYDARLI.

Şindi sırada Arnautluun baş kasabasında Tiranada Çiçek ayın 20-26 günnerindä olacek büüklär arasında serbest güreştä Evropa çempionatı, angısına putövkayı Aleksandr GAYDARLI kazandı bu yıl Küçük ayında Moldovanın çempionu olup.

Pek gözäl hazırlanmış bu güreş yarışmasında, Gagauziyadan hem Moldovadan kaarä, pay aldılar Armeniya, Bulgariya, Grețiya, Gruziya, KKTC (Poyraz Kipra Türk Respublikası), Kosova, Makedoniya, Romıniya, Türkiye hem Ukrayna devletlerindän 200-dän zeedä körpä hem genç güreşçi.

“2026 Komrat Kuboo”na serbest güreştä I-ci halklararası turnirın ofițial açılışına katıldılar hem sportsmennarı selämnadılar Komrat kasabasının primarı Sergey ANASTASOV, Komrat primariyanın Sovetin başı Georgiy KISSA, Komrat kasabasının Munițipiy Sport Şkolasının (MSŞ) direktoru Gavril TULBA, Gagauziya Halk Topluşu geçiçi Başı Nikolay ORMANCI, Gagauziya İspolkomun azaları, Komrat Türkiye Respublikasının Başkonsulun yardımcısı Süreyya GÜLVER, Moldova serbest güreş Federațiyasının prezidentın yardımcısı Valeriy ZABOLOTNIY, serbest güreştä Dünnä hem Evropa çempionu Viktor PEYKOV, serbest güreştä Dünnä hem Evropa çempionkası İrina RINGAÇ, başka anılmış sportsmennar hem trenerlar, cümne hem kultura insannarı.

Açılış sırasından hem sportsmennarın paradından sora “2026 Komrat Kuboo”na serbest güreştä I-ci halklararası turnirın çeketti da güreşçilär 16 aarlık kategoriyasında medalilär için güresä başladılar.

Büük hem meraklı güreşlerdän sora, “2026 Komrat Kuboo”na serbest güreştä I-ci halklararası turnirı ensedi hem “2026 Komrat Kuboo”nu kazandı Komrat kasabasının Munițipiy Sport Şkolasının komandası. 2-ci er aldı Komrat kasabanın sport lițeyi hem 3-cü eri kazandı Moldovanın Kişinev kasabasının komandası.

Turnirın aarlık kategoriyalarında sa erlär bölä payedildi:

25 kg kategoriyasında:

1-ci er – Artur UZUN (Gagauziya, Komrat);

2-ci er – İon KAŞU (Moldova, Borogan);

3-cü er – Roman NEDOV (Ukrayna, İzmail), Aleksandr TEKERLEK (Gagauziya, Kıpçak).

32 kg kategoriyasında:

1-ci er – Aleksandr DIBENÇUK;

2-ci er – Vasiliy ESİR (Gagauziya, Kongaz);

3-cü er – Sergey KAZANCI (Gagauziya, Komrat), İvan KAZMALI (Gagauziya, Dezginca).

35 kg kategoriyasında (U-13):

1-ci er – Savas KARADİMİDİDİS (Gerițiya);

2-ci er – İvan VİFOR (Moldova, Taraklı);

3-cü er – Aleksandru KARP (Moldova, Borogan), Nikolay GAYDARCI (Gagauziya, Komrat).

35 kg kategoriyasında (U-15):

1-ci er – Mihail KOVRİKOV (Gagauziya, Komrat);

2-ci er – Ştefan MONEANU (Gagauziya, Komrat);

3-cü er – Gabriel MOMCİ (Moldova, Leova), Aleksandr GEORGİYEV (Gagauziya, Komrat).

38 kg kategoriyasında (U-13):

1-ci er – Bogdan MANOYLOV (Ukrayna, İzmail);

2-ci er – İvan PASLAR (Moldova, Taraklı);

3-cü er – Dimitriy DUDOGLU (Gagauziya, Dezginca), Frenk ZİNGESKU (Moldova, Leova).

47 kg kategoriyasında (U-15, kızlar):

1-ci er – Natalya TERZİ (Gagauziya, Dezginca);

2-ci er – Dina VİKOL (Gagauziya, Komrat);

3-cü er – Oktaviya MORARU (Moldova), Loridana TANASE (Moldova, Çimişliya).

48 kg kategoriyasında (U-15):

1-ci er – Aleksandr BONDARENKO (Ukrayna, İzmail);

2-ci er – Kirdore SONGİŞVİLİ (Gruziya);

3-cü er – Dumitru DAMESKU (Moldova, Çimişliya), Aleksandr KAZANCI (Gagauziya, Komrat).

53 kg kategoriyasında (U-15):

1-ci er – Aleksandr KMBUROV (Bulgariya);

2-ci er – Viktor TALAY (Gagauziya, Dezginca);

3-cü er – Dimitriy MARİNOV (Gagauziya, Avdarma), Mark  BUKATARU (Moldova, Krikovo).

54 kg kategoriyasında (U-17, kızlar):

1-ci er – Anna PUYU (Moldova, Çimişliya);

2-ci er – Anisiya LÜLENOV (Moldova, Çimişliya);

3-cü er – Nataliya GARGALIK (Gagauziya, Dezginca), Rodika TABAKARU (Moldova, Leova).

55 kg kategoriyasında (U-20):

1-ci er – Dan NEGRU (Moldova, Kişinev);

2-ci er – Georgiy GAYDARCI (Gagauziya, Komrat);

3-cü er – Valentin DELEANU (Moldova, Kalaraş), Sergey KAMBUR (Gagauziya, Komrat).

57 kg kategoriyasında (U-15):

1-ci er – Kiril DRAGAN (Gagauziya, Kıpçak);

2-ci er – Mirabi MADİVONABİ (Gruziya);

3-cü er – Ahmet KURU (Gerițiya), Artöm ZABUN (Gagauziya, Komrat).

61 kg kategoriyasında (U-20):

1-ci er – Danu BULGARU (Moldova, Çimişliya);

2-ci er – İvan KALECI (Gagauziya, Kongaz);

3-cü er – Sergey DUNAREAN (Gagauziya, Çadır), Vasiliy ORMANCI (Gagauziya, Komrat).

65 kg kategoriyasında (U-17):

1-ci er – Atari SOMHİŞVİLİ (Gruziya);

2-ci er – Pötr KOMUR (Gagauziya, Kongaz);

3-cü er – Burak KIZIL TOPRAK (Türkiye), Zakentiy GOSPONOV (Bulgariya).

70 kg kategoriyasında (U-20):

1-ci er – Katalin BİSİLİU (Moldova, Çimişliya);

2-ci er – Andrey KARA (Gagauziya, Dezginca);

3-cü er – Stas DARADUR (Gagauziya, Komrat), Aleksandr POVALAKİ (Gagauziya, Komrat).

74 kg kategoriyasında (U-17):

1-ci er – David PANFİLE (Moldova, Kişinev);

2-ci er – Yaroslav ANASTASOV (Gagauziya, Komrat);

3-cü er – Pavel MAVRODİ (Gagauziya, Komrat), Şalva ZALTAŞVİLİ (Gruziya).

85 kg kategoriyasında:

1-ci er – Aleksey USANOV;

2-ci er – Artöm PASLAR (Moldova, Taraklı);

3-cü er – Aleksey KRAMÇANİNOV (Moldova, Çimişliya), Veçeslav DELİU (Moldova, Krikovo).

Çempionatta Gagauziyanın Kıpçak küüyündän duumalı güreşçi Aleksandr GAYDARLI, 70 kg kategoriyasında güreşeräk, Moldova çempionu oldu.

Bu enseyişlän Aleksandr GAYDARLI açtı kendisinä yolu Arnautluun baş kasabasında Tiranada Çiçek ayın 20-26 günnerindä olacek Evropa çempionatına.

Kutlêêrız Gagauziyayı, Aleksandr GAYDARLIyı hem onun trenerını Stanislav Födoroviç RAMONOVu bu başarıylan!