Ana Sözü » Казань https://anasozu.com Thu, 16 Apr 2026 12:16:35 +0000 tr-TR hourly 1 http://wordpress.org/?v=3.8.25 Kazan 2014 yılı Türk dünnäsının kultura baş kasabası https://anasozu.com/kazan-2014-yili-turk-dunnasinin-kultura-bas-kasabasi/ https://anasozu.com/kazan-2014-yili-turk-dunnasinin-kultura-bas-kasabasi/#comments Mon, 05 May 2014 07:50:38 +0000 http://anasozu.com/?p=3422 Çiçek ayın 26-da Tatarstanın (Rusiya Federaţiyası) başkasabasıda Kazanda “Kazan 2014 yılı Türk dünnäsının kultura baş kasabası” meropriyatiyaları ofiţial açılışı oldu. Açılış günü maasuz Çiçek ayın 26-da yapıldı, zerä bu gündä 1886-cı yılda duumuş büük tatar poetı hem cümne insanı Gabdulla TUKAY (26.04.1886 – 13.04.2013).

Açılışta pay aldılar hem söz tuttular Tatarstanın prezidentı İldar HALİKOV hem Tatarstanın başka ofiţial insannarı, TÜRKSOY Genel Sekreteri Dusen KASEİNOV, Türkiyenin Moskvada Büükelçisi Aydın Adnan SEZGİN, Eskişehir (2013 yılı Türk dünnäsının kultura baş kasabası) Valisi (gubernatoru) Güngör Azim TUNA, Türkiye respublikasının başka ofiţial admanrı, deputatlar, diplomatlar hem Türk dünnäsının devletlerindän delegaţiyalar.

Kazan 2014 yılı Türk dünnäsının kultura baş kasabası” ofiţial açılışı başladı Çiçek ayın 26-da sabaalän Gabdulla TUKAYın anmak taşına çiçek hem feneţ koyulmasınnan.

Avşamneyin da Kazanın “M.Calil” Devlet opera hem balet teatrusunda “Kazan 2014 yılı Türk dünnäsının kultura baş kasabası” ofiţial açılışı yapıldı.

Ofiţial açılış konuşmalardan sora, büük bir konţert gösterildi hem reçepţiya imeyi verildi.

PATRETTÄ: TÜRKSOY Genel Sekreteri Dusen KASEİNOV açılış konuşmasını yaparkana.

Not. Kazan kasabasınadan “Türk dünnäsının kultura baş kasabası” oldular Astana (Kazahstan, 2012) hem Eskişehir (Türkiye, 2013).

]]> https://anasozu.com/kazan-2014-yili-turk-dunnasinin-kultura-bas-kasabasi/feed/ 0