Ana Sözü » Aleksandr STOYANOGLO https://anasozu.com Sat, 18 Apr 2026 05:11:13 +0000 tr-TR hourly 1 http://wordpress.org/?v=3.8.25 Aleksandr STOYANOGLU Moldova mitropolitı VLADİMİRlän, Maya SANDU sa Kişinev primarınnan buluştular https://anasozu.com/aleksandr-stoyanoglu-moldova-mitropoliti-vladimirlan-maya-sandu-sa-kisinev-primarinnan-bulustular/ https://anasozu.com/aleksandr-stoyanoglu-moldova-mitropoliti-vladimirlan-maya-sandu-sa-kisinev-primarinnan-bulustular/#comments Fri, 01 Nov 2024 14:11:56 +0000 http://anasozu.com/?p=19685 Kasım ayın 3-dä Moldova Prezidentın seçimnerinin II-ci turu olacek, angısında Moldova vatandaşları ayıraceklar prezident iki kandidattan birisini: ya Maya SANDUyu (“Çalışmak hem Birlik” (PAS) politika partiyasından) ya da Aleksandr STOYANOGLUyu (Moldovanın Soțialistlär politika partiyasından).

Kasım ayın 1-dä Moldova Prezidentın kandidatların hem kandidatları için agitațiyasının son günü.

Bu gündä Moldova Prezidentlıına kandidat, Moldovanın gagauz olan eski Baş prokuroru Aleksandr STOYANOGLU, katılıp Rezina rayonun Pripiçeni-Rezeşti küüyündä enilenmiş klisenin ayozlanma sırasına, Moldova mitropolitı VLADİMİRlän buluştu hem, aylesinnän bilä, orada yapılan liturgiyada pay aldı.

Moldova Prezidentlıına kandidat, Moldovanın şindiki prezidentı Maya SANDU sa buluştu Kişinev kasabasının primarınnan da, nicä bildirer kendisi, “Kişinevda yapılan proektlar için lafettik söledik, ani Kişinevun ilerlemesi var nicä olsun sade Evropa Birliin yakınnıında hem demokratiyanın olmasında”.
sandu_cebanu_1

Fotolar: facebook.com/maia.sandu hem facebook.com/gagauznews

]]> https://anasozu.com/aleksandr-stoyanoglu-moldova-mitropoliti-vladimirlan-maya-sandu-sa-kisinev-primarinnan-bulustular/feed/ 0 25 yıl Zakonun korumasında! https://anasozu.com/25-yil-zakonun-korumasinda/ https://anasozu.com/25-yil-zakonun-korumasinda/#comments Sat, 26 Dec 2020 07:41:18 +0000 http://anasozu.com/?p=14497 Kırım ayın (dekabri) 26-da Gaguziya (Gagauz Yeri) Avtonom-teritorial Bölgesinin (ATB) Prokuraturasının kurulmasının 25-ci yıldonümü bakılêr. Bir şüpesiz, ani Gaguziya Prokuraturasının peydalanmasına hak bazası oldu 23.12.1994 günü Moldova Parlamentın tarafından kabledilän “Gagauziya (Gagauz Yeri) ayırı yuridik statusu için” Zakonu temel kuran norma aktı.

Ama genä da, Gaguziya (Gagauz Yeri) Prokuraturasının kurulma günü sayılêr Kırım ayın (dekabri) 26-sı, zerä o zaman Moldova Parlamentı kabletti № 700-XII Kararı, angısına görä Moldova Respublikasının içinä alındı Gaguziya Prokuraturası!

25 yıl Zakonun korumasında!

Asirin bir çiireendä Gaguziya Prokuraturası gösterdi diil salt kendisinin önemniliini hem var olmasının lääzımnıını, ama Avtonomiyada hem Respublikada kıymetli saygılıı da kazandı.

Bütün ürektän kutlêêrım bu önemni günnän Gaguziya Prokuraturasının büünkü kolektivını, onun ilk Baş prokurorunu hem Moldovanın şindiki Baş Prokurorunu Aleksandr Dimitrieviç STOYANOGLUyu, Gagauziyanın 2001-2012 yıllarında Baş Prokurorunu Georgiy Georgiyeviç LEYÇUyu hem hepsini, kim ömürlerinin belli zamannarında  Gaguziya ATBsinin Prokuraturasında zaamet etti.

Hepsinä saalık dileerim, zanaat ustalıında üüseklerä varmaa, Gaguziya ATBsinin Prokuraturasının kolektivına da – Gaguziya (Gagauz Yeri) Avtonom-teritorial Bölgesinin (ATB) teritoriyasında zakonnuun var olmasında çalışmada birleşmäk hem başarılı olmak.

Ruslan KARAİVAN, Gaguziya ATBsinin Prokuraturasının Baş prokuror yardımcısı, Komrat Bölümü öndercisi, Moldovanın Çimişli rayonun Prokuraturasının geçici Baş prokuroru

]]> https://anasozu.com/25-yil-zakonun-korumasinda/feed/ 0