Ana Sözü » Ankara Gagauzlar Birliği https://anasozu.com Tue, 21 Apr 2026 19:08:15 +0000 tr-TR hourly 1 http://wordpress.org/?v=3.8.25 Gagauz Yerin 19-cu duuma gününü Ankarada baktılar https://anasozu.com/gagauz-yerin-19-cu-duuma-gununu-ankarada-baktilar/ https://anasozu.com/gagauz-yerin-19-cu-duuma-gununu-ankarada-baktilar/#comments Wed, 18 Dec 2013 08:58:51 +0000 http://anasozu.com/?p=2655 Kırım ayın (dekabri) 22-dä, Türkiye Respublikasının başkasabasında Ankarada yaşayan gagauzlar Gagauz Yerin 19-cu duuma gününü baktılar.

Ankara universitetlerindä üürenän gagauz üürencilär hem burada yaşayan vatandaşlarımız, nicä her kerä, bu yıl da milli yortumuzu kutladılar. Kutlamaya katıldı 50 yakın kişi. Toplantının tertiplemesindä hepsicii pay aldılar. Her zamanki gibi zengin sofra kuruldu, türkülär çalındı, bizim halk oyunlarımız oynandı, bilgi yarışmaları yapıldı. Vatanımızın saalıı için birär filcan kırmızı zayber şarabı da içildi.

Lääzım sölemää, ani bu kutlamalar Ankarada 2010-cu yıldan bu yana kadar her yıl yapılêr. İlk kutlamalar üürencilerin önderciliindä yapılardı, ama sora onnarın tertiplenmesindä çok aktif olarak Ankaradaki gagauz ayleleri da pay almaa başladılar.

Kutlamanın sonunda annaşıldı, ani gelän yıla, Gagauz Yerimizin 20-ci yılı için bir kontert tertiplemää lääzım olacêk da bu işä diil sadä Ankaradan, ama Türkiyenin öbür kasabalarından da gagauzları çaarılacek.

Ankara Gagauzlar Birlii

]]> https://anasozu.com/gagauz-yerin-19-cu-duuma-gununu-ankarada-baktilar/feed/ 0