Anma sırasına katıldılar Türkiye Büükelçiliin hem TİKA Kişinev programaların Koordinatorluunun personalı, Türkiye Büük Millet Meclisi (Türkiye Parlamentı) deputatlı, Gagaiyaya V-ci Halklararası “Invest  Gagauzia-2016” investiţiya forumuna gelän türk iş adamnarı, politikacılar hem da Moldovada yaşayan türk vatandaşları.

Anma sırası balşadı saat 09-05-tä (bu kıpımda 1938-ci yılın Kasımın 10-da durgunmuş Mustafa Kemal ATATÜRKün girgin hem raatsız ürää). Yavaşıcık yarıya indirilän Türkiey Bayraanın önündä bir minutluk saygı duruşundan sora, Büükelçilää gelän insannar Türkiye Respublikasının Milli Marşını (Gimnasını) çaldılar. Sora da hepsi insannar Türkiye Büükelçiliin önündä bulunan ATATÜRKün byustuna saygıylan çiçek koydular.

Anmak sırası Büükelçilliin toplantı salonunda ilerledi. Burada Moldova Türkiye Büükelçisi Gürol SÖKMENSÜER salonda bulunannara ATATÜRK hem Türkiye için kısa bir sözlän danıştı. Nedän sora da Kongaz Süleyman DEMİREL lițeyin üürencileri sıraya uygun bir konțert gösterdilär hem Büükelçilää ATATÜRK resimini baaşladılar

Bundan sora da Akademik hem poet Todur ZANET okudu ATATÜRKün ölüsünä adanmış kendisini peetini “O benim da Ulu ATAM”.

O günü salonda bulunannara danıştı Türkiye Büük Millet Meclisi (Türkiye Parlamentı) deputatı Yüksel ÖZKAN. Sora da hepsi isteyennär, açık mikrofona çıkıp, ATATÜRK için kendi duygularını hem bakışlarını açıkladılar.

O benim da Ulu ATAM
(Óda)

                Mustafa Kemal ATATÜRKä
Ey, Ata, gel da bak benim milletimä –
o da senin gibi kula, maavi gözlü,
senin gibi girgin, derin köklü,
emin basmaz, hodul hem pak üzlü,
senin gibi o! Hey, Oguz oolu,
Sana büünkü peetim, türküm,
benim Ulu Atam, Ulu Bobam, Atatürküm…

Zor vakıtta bol elini sän uzattın,
insanından alıp bizä verdin,
kardaş payı yaptın hem acıdın,
dizdän ayaa sözünnän kaldırdın,
karannıktan aydınnıklaa çaardın,
İstanbuldan bizi da düşündün,
benim Ulu Atam, Ulu Bobam, Atatürküm…

İstanbuldan kitab, üüretmennär geldi –
te ozaman bakışlan fikirlär diişti,
ruhta, canda kuvet kaavileşti.
O yardımınnan biz soluk aldık,
millet olduk, millet kaldık,
Sän, Canabin, bunu ölä gördün,
benim Ulu Atam, Atatürküm…

Uşakları bakıp, seçip, sän ayırdın,
memleketä liţeylerä aldın,
milletimä şafklı yolu açtın,
bilgiylän bilgiçlii cömert verdin,
insan ettin. Etiştirämedin,
üüsüz brakıp, gittin, sündün,
benim Ulu Atam, Ulu Bobam, Atatürküm…

Otuzsekizdi yıl, o Kasımın 10-nu urdu,
saat (beş minut ona) durdu,
Ulu Önder gözlerini yumdu,
raatsız ürek raatlıı buldu,
dünnä sustu, soluk dondu, hem uultu.
Yakar yaşlar yakêr, acı bir gün,
benim Ulu Atam, Ulu Bobam, Atatürküm…

O gün, Atam, heptän, sän sonsuzlaa vardın,
Bizi yasta hem kahırda braktın,
Göktä sünmäz o yıldızın. Adın –
hergün “eni güneş gibi hep duacek”,
Senin o işlerin örüyecek,
hem “Ne mutlu türküm deyenä” hep ötecek,
benim Ulu Atam, Ulu Bobam, Atatürküm, yaşayacek…

Büün Türkiyenin Al Bayraanın yanında
benim da bayraam sallanarsa,
Ana dilim şıralı hem sesli hep akarsa,
Gagauzda Gagauzluk taa yaşarsa,
Bunda senin en büük kıymetin,
Türklerin atası, halkımın atası, büüyüm,
benim Ulu Atam, Ulu Bobam, Atatürküm…
Todur ZANET
Kasım ayın 10-nu, 2014 y.

                Mustafa Kemal ATATÜRKä
Ey, Ata, gel da bak benim milletimä –
o da senin gibi kula, maavi gözlü,
senin gibi girgin, derin köklü,
emin basmaz, hodul hem pak üzlü,
senin gibi o! Hey, Oguz oolu,
Sana büünkü peetim, türküm,
benim Ulu Atam, Atatürküm…

Zor vakıtta bol elini sän uzattın,
insanından alıp bizä verdin,
kardaş payı yaptın hem acıdın,
dizdän ayaa sözünnän kaldırdın,
karannıktan aydınnıklaa çaardın,
İstanbuldan bizi da düşündün,
benim Ulu Atam, Atatürküm…

İstanbuldan kitab, üüretmennär geldi –
te ozaman bakışlan fikirlär diişti,
ruhta, canda kuvet kaavileşti.
O yardımınnan biz soluk aldık,
millet olduk, millet kaldık,
Sän, Canabin, bunu ölä gördün,
benim Ulu Atam, Atatürküm…

Uşakları bakıp, seçip, sän ayırdın,
memleketä liţeylerä aldın,
milletimä şafklı yolu açtın,
bilgiylän bilgiçlii cömert verdin,
insan ettin. Etiştirämedin,
üüsüz brakıp, gittin, sündün,
benim Ulu Atam, Atatürküm…

Otuzsekizdi yıl, o Kasımın 10-nu urdu,
saat (beş minut ona) durdu,
Ulu Önder gözlerini yumdu,
raatsız ürek raatlıı buldu,
dünnä sustu, soluk dondu, hem uultu.
Yakar yaşlar yakêr, acı bir gün,
benim Ulu Atam, Atatürküm…

O gün, Atam, heptän, sän sonsuzlaa vardın,
Bizi yasta hem kahırda braktın,
Göktä sünmäz o yıldızın. Adın –
hergün “eni güneş gibi hep duacek”,
Senin o işlerin örüyecek,
hem “Ne mutlu türküm deyenä” hep ötecek,
benim Ulu Atam, Atatürküm, yaşayacek…

Büün Türkiyenin Al Bayraanın yanında
benim da bayraam sallanarsa,
Ana dilim şıralı hem sesli hep akarsa,
Gagauzda Gagauzluk taa yaşarsa,
Bunda senin en büük kıymetin,
Türklerin atası, halkımın atası, büüyüm,
benim Ulu Atam, Atatürküm…
Todur ZANET
Kasım ayın 10-nu, 2014 y.

Bu sergi büük ustanın ikinci personal sergisi bu bibliotekada. İlk sergida taa cok resimnar kara karandaşlan çizilmişti. Şindi sa sergidä yaratmalar yaalı boyaylan yapılı. Ama resimnerin teması hiç diişmeer – gagauz folkloru, legendaları, gagazların derin istoriyası.

Sergşnin açılışında pay aldılar hem büük resimci için, onun yaratmaları için, söz tuttular Türkiye Büükelçisi sayın Mehmet Selim KARTAL, Kişinev TİKA ofisin koordinatoru Atilla Cem KARAMOLLAOĞLU, resimci Pötr DİMOV, Gagauziya kultura Upravleniyasının zaametçileri hem başka musafirlär, angıları geldilär kutlamaa resimciyi. Dimitriy SAVASTİNın kolegaları da büük saygılarını acıkladılar resimciya, ani büünkü günda onnar ondan örnek hem bilgilär alêrlar.

Dimitriy SAVASTİNın yaratmalarını sevennär geldilär bir fikirä: Dimitriy İvanoviç kendi yaptıklarınnan, yaratmalarınnan, üürencilerinnän kendi adını diveçä yazdı.

Not. Gagauz resimcilerin resimnerini sergilemää bu artık Komrat “ATATÜRK” bibliotekasının bir gözäl adeti oldu. Artık on yıldan zeedä burada sergilär, biri-birlerini diiştirip, eni yaratmalar insanın önünä çıkarêrlar.

Vasilisa TANASOGLU, “ATATÜRK” türk bibiliotekasının direktoru