Ana Sözü » Çocuklar Bayramı https://anasozu.com Thu, 16 Apr 2026 12:16:35 +0000 tr-TR hourly 1 http://wordpress.org/?v=3.8.25 “Çocuklar Bayramı” yortusuna karşı uşaklara ikram https://anasozu.com/cocuklar-bayrami-yortusuna-karsi-usaklara-ikram/ https://anasozu.com/cocuklar-bayrami-yortusuna-karsi-usaklara-ikram/#comments Wed, 23 Apr 2014 04:36:04 +0000 http://anasozu.com/?p=3339 Her yılın Çiçek ayın (aprel) 23-dä Türkiye Respublikasında “Çocuklar Bayramı” (uşaklar yortusu) bakılêr. Dünneydä uşaklar için ilk kerä bölä bir yortu Türkiyedä kurulmuş. Baaşlamış onu uşaklara Türkiye Respublikasının kurucusu Mustafa Kemal ATATÜRK.
cocuk2

Bu yortuya karşı, Çiçek ayın 17-dä, Kişinevun Uşaklar hem gençlär için “ARTİCO” merkezindä Moldovanın üz uşaanaa deyni (onnarın arasında taa çoyu üüsüzlerä deyni internatların üürencileri) ikinci kerä büük şennik yapıldı. Hazırladılar bu şennii Moldovada Türkiye Büükelçilii, moldo-türk “Orizont” liţeyi hem “ARTİCO” merkezi.

Yortunun açılış nasaatını yaptılar Büükelçi Mehmet Selim KARTAL hem “ARTİCO” merkezin geçici direktoru.

Kısa bu ofiţial açılıştan sora “ARTİCO” merkezin açık meydanda büük bir konţert oldu. Konţerttä pay aldılar “ARTİCO” merkezin hem moldo-türk “Orizont” liţeyin artistleri hem ansamblileri.
cocuk3

Konţerttän sora, yortuya katılannara deyni imäk hem içecek ikramnarı yapıldı.

Not. “Çocuklar Bayramı” (uşaklar yortusu) kutlamlarını “ARTİCO” merkezindä Moldovadakı Türkiye Büükelçilii ikinci yıl sıravardı yapêr.

]]> https://anasozu.com/cocuklar-bayrami-yortusuna-karsi-usaklara-ikram/feed/ 0