Bilmeeriz ne sä devirildi mi bu dünneydä, osa yıldızlar mı tersinä dönmää başladılar, ama Gagauziya Başkanı İrina VLAH, ani Maya SANDUyu ne görmää ne da saymaa istäärdi, ne da Canabisini perzident seçilmesinnän kutlaardı (bak: http://anasozu.com/sanmayin-ani-bu-sada-bir-karinin-oburuna-kususu/) bu kerä, bir kabaatlı uşak gibi süzülärdi Çadır kasabanın primariyasının eşiklerin yanında da ne sa Moldova Prezidentına sölemää savaşardı. Bu diildi o hodul, azıtmış, birkimseyi tanımaa hem bilmää istämeyän İrina VLAH. Bu – o İrina VLAHın gölgesiydi.

Çadır kasabanın primariyasının eşiklerin önündä durarak, İrina VLAH, may sekiz aydan sora, aazından laflarını öttüreräk, nicä öttürerlär düdüü onnar, kim düdüktä çalmaa becermeer, diş arası kutladı Maya SANDUyu onun 2020-ci yılın Kasımın 10-da Moldova Prezidentı seçilmesinnän hem dedi, ani “iş beterinä bu toplantıya katılamêêr”, bu arada islää işideräk nicä Gagauziya primarlar Asoțiațiyasının başı hem Kıpçak küüyün primarı Oleg GARİZAN onun üzünä dedi, ki bu toplantıya onu hiç çaarmêêrlar da.

Nicä herkerä, kameraların önündä, Gagauziya Başkanı savaştı terbeeleri kendi elinä almaa da “küsmää” Moldova Prezidentına, ani Gagauziyada bölä buluşmayı seçmiş. Prezident Maya SANDU pek gözäl bir cuvaplan “urdu İrina VLAHın burnusuna”, deyeräk, ani şindi kendisini Gagauziya primarlar Asoțiațiyası burayı çardı da Gagauziya tarafından başka bir ofițial teklif gelirsä o Gagauziyaya genä gelecek.

İrina VLAH, genä kameralara işleyeräk, dedi, ani Moldovanın “Korunmak üüsek Sovetindä” prezidentı kutlamaa istärdi, ama kendisini orayı çaarmamışlar.

Neyä, İrina VLAHı “erinä oturdarak”, Prezident Maya SANDU genä incäbir cuvap verdi: “Korunmak üüsek Sovetindä biz korupțiyaylan düüşeriz hem regional soruşlarını incelämeeriz”.

İrina VLAHın tarafından bu dialog neydi acaba? İrina VLAHın tabannarı mı yanêr, ayakların altından toprak mı kayêr osa, fena tırmalamaktan öncä, tırnakların saklanması mı?

Bunun cuvabını tezdä görecez, açan dokuz gündän sora Moldovada Parlament şseçimneri geçecek. Şindilik sä pek gözäl bir komediyayı durmamayca siiredelim: https://www.youtube.com/watch?v=BZd1BprdVR0&t=1s.

Miroslava YASIBAŞ Kişinevdan “Bravisimo” ansamblisindä dört yaşından beeri pay alêr hem modern hem da djaz (jazz) modern stilindä tanț eder. O üserä dä, Romıniya festivalindä Moldovadan “Bravisimo” ansamblisini temsil ederäk, bu stildä anılmış kemençeciykanın Vanessa-Maenin (Vanessa-Mae Vanakorn Nicholson) “Storm” kompozițiyasına tanț etti.

Körpä oyuncuykanın anasının, Nataliya YASIBAŞın, açıklamasına görä, Miroslava aftada altı gün ikişär saat tanțları üürener hem, nicä annaşıldı, bu iş artık oldu diil salt onun havezi, ama yaşamasının bir payı da.

Miroslava YASIBAŞın aylesi Kişinevda yaşêêr, ama Miroslava ana tarafından, Kongaz küüyündän, kopmêêr hem kendisinin gagauzka olduunu hodulluklan söleer. Onuştan da Romıniyada bu enseyişini Kongaza baaşladı.

“Açan bän enseerim da öter Moldovanın Gimnası – büük hodulluk içimi doldurêr. Bobam herkerä deer, ani sölärkenä, ki bän Moldova Respublikasını temsil ederim, urgulayım, ani kendim Gagauziyadan duumalıyım”. Pek hodullanêrım, ani gagauzkayım hem bu enseyişimi ana küüyümä, Kongaza, baaşlêêrım” – söleer Miroslava YASIBAŞ.

Miroslava YASIBAŞın horeografı oldu Snejana APOSTOL, bildirer gagauzinfo.md.

Ekologiya akțiyası olarak, bu iş yapıldı Baba Marta ayın 22-dä taman “Dünnää su günü”ndä. Komrat gölünä dalmasınnan Şahika ERCÜMEN savaştı dünneyin hem Gagauziyanın su varlıkların kirletmesi problemasına bakış çektirmää.

Şahika ERCÜMENin bu akțiyası yapıldı Türkiye çevrä hem kasabalar Ministerliin, Gagauziyanın, Gagauziya üstolan durumnarı Upravleniyasının hem Komrat primariyasının kanadı altında.

Kyadı yazmaa deyni Dr. Selcen Özyurt ULUTAŞ, Gagauziyaya gelip, gagauzların yaşamasın hem durumun kendi gözünnän gördü hem bu uurda kiyadını da hazırladı.

Nicä açıklanêr kiyadın tanıtım yazısında. Bu kiyat gagauzların kulturasını, istoriyasını, cümne hem politka durumnarını açıklêêr.

Gagauziyada ulaşannarın sayısı – 4631:

Çadır rayonu – 1490;

Komrat rayonu – 2330;

Valkaneş rayonu – 811.

Ulaşannarın arasında:

adam kulluu – 66335 (ölän – 1767);

karı kulluu – 93390 (ölän – 1695);

aar kalan karılar – 742.

Buluşmanın başında TİKAnın Balkannarda yapılan hem yapılacek proektlarlan ilgili bir film gösterildi. Sora bu proektlar için katılannarın fikirleri alındı.

O fikirlerä seslenän TİKA Başkanı Serkan KAYALAR, TİKAnın yaptıklarını urgulayarak, dedi: “TİKAnın Balkannara büünkü günä kadar uygulandıı üüredicilik, kultura, cümne, infrastruktura hem saalık proektlarınnan orada yaşayan soydaşların bir yandan sorunnarına çözüm yaparkana,  ötää yandan istoriya hem kultura varlıına sahip çıkarak kardaş memleketlerdä barış ortamının artarak ilerlemesinä kolaylık kurmaa”.

Toplantıya katılannar urguladılar, ani TİKAnın Gagauziyadan Kosovaya, Arnautluktan Makedoniyaya hem Romıniyaya kadar bütün Balkan erlerindä laflarlan annadılmayacek hem sayılamayacak izmetlär yaptıını, Balkan insanının kendi yaşadıı topraklarda TİKAnın var olmasınnan yanlız kalmadıı annaşıldıını belirteräk, urduladılar, ani  buralarda taa yapılacek proektlar konusunda bulunmak üzerä yakın zamanda tekrar bir araya gelmäk lääzım olacek.

Toplantının sonunda “Balkan Platforması” temsilcileri kutladılar TİKA Başkanını Serkan KAYALARı hem TİKA Başkan Yardımcısını Dr. Mahmut ÇEVİKi eni serviçlerinä atanmlarınnan hem Balkannara yaptıkları büük izmetlär için tekrar şükür ettilär.

Geride bıraktığımız 2020 yılı ne yazık ki, pandeminin hayatın tüm alanlarına nüfuz ettiği, hayatın adeta durma noktasına geldiği zorlu bir yıl oldu. Bu menfur hastalık nedeniyle birçok kişi aramızdan ayrıldı, bir o kadarı da acılı bir süreçten geçerek sağlığına kavuşabildi. Sevdiklerimizin selameti için onlardan uzakta kalmaya çalıştık. Bu süreçte sağlığın, birlik ve beraberlik ile dayanışmanın ne kadar önemli olduğunu bir kez daha anladık. Türkiye bu zor dönemde, dost ve kardeş Moldova’nın ve soydaşlarının yanında olmayı sürdürmeye gayret etti. Bu dayanışmamızı, imkânlar ölçüsünde önümüzdeki dönemde de sürdürme isteği içerisindeyiz. Gagauzya’da devam eden ve olası bazı projelerimiz de pandemi nedeniyle maalesef gecikti.

Pandeminin beraberinde getirdiği bütün zorluklara rağmen, Dışişleri Bakanımız Sayın Mevlüt Çavuşoğlu’nun 26-27 Ağustos 2020 tarihlerinde Moldova’yı ziyareti vesilesiyle 27 Ağustos günü Komrat’taki ilk muvazzaf Başkonsolosluk niteliğine sahip olan Başkonsolosluğumuzun hizmete açılmasını gerçekleştirdik. Böylece soydaşlarımız, Büyükelçiliğimizin yanı sıra Türkiye’ye açılan ikinci bir kapıya daha kavuştular. 2021 yılında pandeminin olumsuz etkilerinin bertaraf edilebilmesi, böylece soydaşlarımızla daha fazla bir araya gelebilmemiz en büyük arzumuzdur.

Bu duygu ve düşüncelerle tüm soydaşlarımızın yeni yılını tekrar tebrik eder, içten sevgi ve saygılarımı sunarım.

Gürol SÖKMENSÜER,Türkiye Cumhuriyeti Kişinev Büyükelçisi

Ama genä da, Gaguziya (Gagauz Yeri) Prokuraturasının kurulma günü sayılêr Kırım ayın (dekabri) 26-sı, zerä o zaman Moldova Parlamentı kabletti № 700-XII Kararı, angısına görä Moldova Respublikasının içinä alındı Gaguziya Prokuraturası!

25 yıl Zakonun korumasında!

Asirin bir çiireendä Gaguziya Prokuraturası gösterdi diil salt kendisinin önemniliini hem var olmasının lääzımnıını, ama Avtonomiyada hem Respublikada kıymetli saygılıı da kazandı.

Bütün ürektän kutlêêrım bu önemni günnän Gaguziya Prokuraturasının büünkü kolektivını, onun ilk Baş prokurorunu hem Moldovanın şindiki Baş Prokurorunu Aleksandr Dimitrieviç STOYANOGLUyu, Gagauziyanın 2001-2012 yıllarında Baş Prokurorunu Georgiy Georgiyeviç LEYÇUyu hem hepsini, kim ömürlerinin belli zamannarında  Gaguziya ATBsinin Prokuraturasında zaamet etti.

Hepsinä saalık dileerim, zanaat ustalıında üüseklerä varmaa, Gaguziya ATBsinin Prokuraturasının kolektivına da – Gaguziya (Gagauz Yeri) Avtonom-teritorial Bölgesinin (ATB) teritoriyasında zakonnuun var olmasında çalışmada birleşmäk hem başarılı olmak.

Ruslan KARAİVAN, Gaguziya ATBsinin Prokuraturasının Baş prokuror yardımcısı, Komrat Bölümü öndercisi, Moldovanın Çimişli rayonun Prokuraturasının geçici Baş prokuroru

2020-ci yılın Kırım ayın (dekabri) nomerın PDFı burada:

http://anasozu.com/wp-content/uploads/2020/11/Ana_Sozu_23_24.2020.pdf

http://anasozu.com/gazetamizin-arhivi/

Gagauziyaya bakarsak bu țifra diişer. Büünkü gündä burada yaşayan 155 646 kişiyä görä ulaşan sayısının proțenti – 2,16% (3357 kişi).