Ana Sözü » GHT https://anasozu.com Thu, 16 Apr 2026 12:16:35 +0000 tr-TR hourly 1 http://wordpress.org/?v=3.8.25 Neçin susêrlar Gagauziya Başkanın hem GHTnın ofiţial saytları https://anasozu.com/necin-suserlar-gagauziya-baskanin-hem-ghtnin-ofitial-saytlari/ https://anasozu.com/necin-suserlar-gagauziya-baskanin-hem-ghtnin-ofitial-saytlari/#comments Fri, 16 May 2014 11:41:30 +0000 http://anasozu.com/?p=3468 Büünkü günädän Gagauziya Başkanın hem GHTnın ofiţial saytlarında Türkiyenin Soma kasabasında olan tragediyaylan ilgili bir acızgannık açıklaması yok.

Gagauziyanın herbir tarafından açızgannık mesajları gelerlär. Gagauziya Başkanın hem GHTnın ofiţial saytları susêrlar.

Başkannıın hem GHTnın Türkiyenin Somada kaybelän insannar için cannarı acımêêr mı, acızganıkları yok mu?

]]> https://anasozu.com/necin-suserlar-gagauziya-baskanin-hem-ghtnin-ofitial-saytlari/feed/ 0 Gagauziya Halk Topluşun hem İspolkomun ortak açıklaması https://anasozu.com/gagauziya-halk-toplusun-hem-ispolkomun-ortak-aciklamasi/ https://anasozu.com/gagauziya-halk-toplusun-hem-ispolkomun-ortak-aciklamasi/#comments Tue, 11 Feb 2014 07:44:20 +0000 http://anasozu.com/?p=3172 Küçük ayın 7-dä Gagauziya Halk Topluşu hem Gagauziya İspolkomu Gagauziyada Moldova kuvet strukturalarının referendumda pay alannara karşı politika hem kuvet baskıları için ortak bir açıklama yaptılar.

Açıklamada GHT hem İspolkom urguladılar, ani referendumda pay alannara karşı politikalı kuvet baskısına sebep yok. Referendumu yapmaa deyni Gagauziya kuvetleri Moldova hem Gagauziya zakonnarında dışarı çıkmadılar. Referendum için devlet büjetından para harcanmadı.

Bundan kaarä Referendumun zakoncasına olmasını urguladılar halklararası gözledicileri Belgiyadan, Bulgariyadan, Polşadan, Rusiyadan, Vengriyadan.

Açıklamada urgulanêr, ani Halk Topluşun deputatları referendumun yapılması için ortak karar aldılar, o üzerä da ortak cuvap vermeleri lääzım. Da yok nicä bir kişiyi bu uurda kabaatlı bulmaa.

Bu üzerä Halk Topluşu hem İspolkom teklif ederlär Moldova kuvet strukturaları referendumda pay alannara hem Merkez Seçim Komisiyasının azalarına karşı politika hem kuvet baskılarından vazgeçsinnär.

Bundan kaarä teklif ediler Moldova hem Gagauziya kuvetleri arasında, politika baskısını kullanmadaan, dialogları enidän başlatmaa.

zayavlenie_1

zayavlenie_2

]]> https://anasozu.com/gagauziya-halk-toplusun-hem-ispolkomun-ortak-aciklamasi/feed/ 0 GHT toplantısı erinä Moldova öndercilerinnän buluştular https://anasozu.com/ght-toplantisi-erina-moldova-ondercilerinnan-bulustular/ https://anasozu.com/ght-toplantisi-erina-moldova-ondercilerinnan-bulustular/#comments Sat, 18 Jan 2014 12:03:15 +0000 http://anasozu.com/?p=3007 Büük ayın 17-dä Gagauziya Halk Topluşun geçici Başı Demyan KARASENİ hem GHT Başı yardımcısı Aleksandr TARNAVSKİY Kişinevda ayırı-ayırı buluştular Moldova Parlamentın spikerı İgor KORMANnan hem Moldovanın Premyer-ministrusunnan İurie LEANKAylan.

GHT basın merkezi bildirer, ani buluşmalarda Küçük ayın 2-dä Gagauziyada zakonnu hem konsultatif Referendumun yapılmasınnan ilgili cümne-politika soruşları incelendi.

Annaşıldı, ani pazertesi, Büük ayın 20-dä, soruşları erindä incelemää deyni  Kişinevdan Komrada bir grupa Moldova ministruların yardımcıları yollanacek.

2014-cü yılın Büük ayın 22-dä neettä var maasuz GHT toplantısını yapmaa. Bu toplantıda Moldova Parlamentın spikerı İgor KORMAN hem Moldovanın Premyer-ministrusu İurie LEANKA pay almaa söz vermişlär.

]]> https://anasozu.com/ght-toplantisi-erina-moldova-ondercilerinnan-bulustular/feed/ 0