Ana Sözü » Hederlez https://anasozu.com Sat, 18 Apr 2026 05:11:13 +0000 tr-TR hourly 1 http://wordpress.org/?v=3.8.25 Gagauziyada “Hederlez” festivalin Gimnası var https://anasozu.com/gagauziyada-hederlez-festivalin-gimnasi-var/ https://anasozu.com/gagauziyada-hederlez-festivalin-gimnasi-var/#comments Thu, 07 May 2020 08:57:04 +0000 http://anasozu.com/?p=13129 Hederlez günündä açıklandı, ani Gagauziyada artık “Hederlez” yortusunun Gimnası var – türkü “Gagauziyada Hederlez”, angısını yazdılar poet Todur ZANET hem kompozitor İliya FİLEV.

2020-ci yılın Küçük ayın 2-dä Gagauziyanın kultura hem turizma Upravleniyası açıkladı bir yaratma Konkursu “Hederlez Gagauziyada” festivalin Gimnasına.

Hederlez günü Gagauziyanın radio hem televideniyası (GRT) gösterdi 7 saatlık bir yortulu konțert, angısı başladı ondan, ani açıklandı, ki Çiçek ayın (aprel) 28-dä “Hederlez Gagauziyada” festivalin Gimnasına yaratma Konkursu jürisi incelemiş orayı verilän 6 yaratmayı da karar almış, ani “Hederlez Gagauziyada” festivalin Gimnası olacek tükü “Gagauziyada Hederlez”, angısını yazdılar poet Todur ZANET hem kompozitor İliya FİLEV.

Hederlez yortusunun konțertı da açıldı bu gimnaylan, angısını çaldılar türkücülär Yuliya ARNAUT hem Sergey İVANOV.

Tiparlêêrız “Hederlez Gagauziyada” festivalin Gimnasının laflarını:

 

GAGAUZİYADA HADERLEZ 

Hederlez, Hederlez –
Gagauziyada Hederlez!

I.
Eveldän yaz başlardı ondan,
Koyunnar yollanardı kıra.
Git da gel, çorbacı, tarladan,
Ekinnär, bak, gözäl mi orda.

Ekindä tavşannar saklansın,
Hederlez bereket getirsin,
Atılsın feslendän o fallar,
Sevinsin kısmetä büük kızlar.

REFREN:
Gagauz yortusu Hederlez,
Sevindir hepsini hem bizi!
Ko olsun bereket hem kirez,
Buyursun yortuya herkesi!
Hederlez, Hederlez –
Gagauziyada Hederlez!

II.
Ay Georgiy günü – Hederlez,
Yaşamaa o verer büük havez!
Sallangaç gençleri sallasın,
Kantarda uşaklar çekilsin.

Horuya toplansın insannar.
Koşuya verilsin baaşışlar.
Kesilsin kurbannar – büük başlar,
Filcanda atlasın şaraplar.

REFREN.

]]> https://anasozu.com/gagauziyada-hederlez-festivalin-gimnasi-var/feed/ 0 “HEDERLEZ” yortusunu altısından dördünä çektilär https://anasozu.com/hederlez-yortusunu-altisindan-dorduna-cektilar/ https://anasozu.com/hederlez-yortusunu-altisindan-dorduna-cektilar/#comments Mon, 05 May 2014 08:20:54 +0000 http://anasozu.com/?p=3428 Gagauz halkının en büük milli yortusundan birisi – Hederlez! Hederlez yortusu Hederlez ayın (may) 6-da bakılêr. Bu yıl bu adeti ofiţial Gagauziya öndercileri kırdılar: “HEDERLEZ” yortusunu 6-dan 4-nä çektilär.

Hederlez yortusu Komratta Hederlez ayın 4-dä bakıldı. Bu günü Gagauziya başkanı buluştu Hederlezä gelän musaafirlärlän. Sora “Hederlez – 2014” festivaldä pay alan ansamblilerin paradı oldu hem Komrat kultura Evindä Hederlez yortusunun ofiţial açılışı hem konţert yapıldı.

Hederlez yortusu Valkaneştä Hederlez ayın 5-dä bakılacek, Çadırda sa – Hederlez ayın 6-da.

]]> https://anasozu.com/hederlez-yortusunu-altisindan-dorduna-cektilar/feed/ 0