Ana Sözü » Mahmut ÇEVİK

Tipardan çıktı “Ana Sözü” gazetasının 2024-cü yılın Canavar ayın (oktäbri) nomerı

Ana Sözü — Fri, 01 Nov 2024 06:29:42 +0000

Canavar ayın (oktäbri) 27-dä tipardan çıktı “Ana Sözü” gazetasının 2024-cü yılın Canavar ayın (oktäbri) nomerı. Nomerdä tiparlanan materiallar: “Aaçlık kurbannarı: başkancıklardan genä hiç “çıt” ta çıkmadı”, “Prezident seçimnerin II-ci turunda M. SANDU hem A. STOYANOGLU başa-baş geleceklär. Bir bakalım!”, “Türkiye kuruluşunun 101-ci yıldönümü reçepțiyası”, “TİKAdan Moldovada hem Gagauziyada bir sıra başarılma proektların ofițial aşılışları yapıldı”, “Maya SANDU I-ci turda debatalara gelmedi, A. STOYANOGLU da bu üzerä studiyadan gitti”, “”, “Moldovada Prezidentın seçimnerin I-ci turu hem respublika konstituțiyalı referendumu geçti”, “Saklı sıtma üzä çıktı: națizma kertiindä bulunan ksenofobiya”, “Bir salımda seçimnerdä minus 26 000 oy – hepsi da Rusiyada”, “Çadırda genä kıyamet: yaamur, tolu hem lüzgär”, “Kosovada TİKAnın yaptıı proektlarını TİKA Başkan yardımcısı Dr. Mahmut ÇEVİK açtı”, “Todur ZANET “Arhiva de voci” Milli Proektında”, “Baku AzTU hem Komrat KDU arasında işbirlii annaşması” h.t.b.

2024-cü yılın Canavar ayın (oktäbri) nomerın PDFı burada:

https://anasozu.com/wp-content/uploads/2024/09/Ana_Sozu_19_20.2024.pdf

http://anasozu.com/gazetamizin-arhivi/

Halklararası diplomatlık şkolasının üürencileri TİKAda

Ana Sözü — Fri, 18 Jun 2021 05:37:55 +0000

Kirez ayın 16-da Türkiyenin Strategiyalı Düşüncä İnstitutu hem Yurtdışı Türklär hem Akraba Topluluklar Başkannıın (YTB) işbirliindä aslıya çıkarılan “Halklararası diplomatlık şkolası” proektına görä bu şkolada üürenän üürencilär Türk İşbirlii hem Koordinațiya Agenstvosunda (TİKA) bulundular.

Üürencilär Türk İşbirlii hem Koordinațiya Agenstvosunnan tanışıp, TİKA Başkan yardımcısı Dr. Mahmut ÇEVİKlän buluştular hem TİKAnın dünnääda yapılan proektlarından taa derin bilgi aldılar.

Buluşmanın sonunda üürencilerä TİKA tarafından baaşışlar verildi. Üürencilärlän bilä gelän Strategiyalı Düşüncä İnstitutun Akademik koordinatoru Fatih SEZGİN hem Dış politika koordinatoru yardımcısı Doç. Dr. Mehmet GÜNEŞ institutun baaşışlarını da TİKAya baaşladılar, bildirer www.sde.org.tr.

Rumeli (Balkan) türkleri TİKAya hem YTBya vizit yaptılar

Ana Sözü — Tue, 09 Feb 2021 04:03:06 +0000

Türkiyenin 24. Dönem AK Partinin deputatı Gülay DALYAN, Rumeli (Balkan) RUTEV Bakıcı sovetin Başkanı Melek ARAS, önetim kurulu Başkanı Nazım DOĞAN hem geçici Başkan Kemal BALTEPE Türk İşbirlii hem Koordinațiya Agenstvosu (TİKA) Başkanına Serkan KAYALARa, Yurtdışı Türklär hem Soy Topluluklar (YTB) Başkanına Abdullah ERENä hem TİKA Başkan yardımcısına Dr. Mahmut ÇEVİKä vizit yaptılar.

(Taa derindän okuyun burada: https://www.avrupaninsesi.com/rumeli-turkleri-tika-ve-ytb-yi-ziyaret-etti-12524)

TİKA Başkan yardımcısı gagauzların hem bütün Rumelinin dostu Mahmut ÇEVİK oldu

Ana Sözü — Sat, 09 Jan 2021 17:45:55 +0000

TİKA Balkannar hem Dou Evrupa Daire Başkanı Dr. Mahmut ÇEVİK, 2021-ci yılın Büük ayın (yanvar) 2-dä Türkiye Prezidentliin № 3 Kararınnın 2 hem 3 punktlarına görä Türk İşbirlii hem Koordinațiya Agenstvosu (TİKA) Başkan yardımcısı atandı.

Dr. Mahmut ÇEVİK çok yıllar sıravaradı Gagauzlara, bütün Balkannara hem Rumeliyä çok büük çalışmalar koyudu hem yaptu. Onun zaametinnän buralarda milionnarca Evroya proektalar yapıldı.

Gagauziyada hem Moldovada, Rumelidä hem bütün Balkannarda yaptıkları için Canabisinä saa olsun deeriz hem çok şükür ederiz.

Gagauzların hem bütün Rumelinin paalı dostuna Dr. Mahmut ÇEVİKä kutluca olsun, eni işindä başarılar dileeriz. Allaa versin ona saalık, uzun ömür hem kuvetlän sabur ileri dooru da bölä bereketli çalışmaa.