Ana Sözü » Manisa https://anasozu.com Fri, 17 Apr 2026 08:34:14 +0000 tr-TR hourly 1 http://wordpress.org/?v=3.8.25 Türkiye Büükelçiliindä Soma kurbannarını andılar https://anasozu.com/turkiye-buukelciliinda-soma-kurbannarini-andilar/ https://anasozu.com/turkiye-buukelciliinda-soma-kurbannarini-andilar/#comments Thu, 15 May 2014 10:11:54 +0000 http://anasozu.com/?p=3462 Hederlez ayın 15-dä sabaalendän Moldovada Türkiye Respublikasının Kişinev Büükelçiliindä Türkiyenin Manisa bölgesinin Soma rayonunda kömür şahtasında olan tragediyanın kurbannarını anmak için bir yaslı toplantı oldu.

Yaslı toplantıya katıldılar Türkiye Respublikasının Kişinev Büükelçiliin hem Kilinev TİKA koordinatorluun zaametçileri, Moldovada Azerbaycan Büükelçisi hem zaametçileri, türk hem azerbaycan işadamnarı, “Ana Sözü” gazetasının baş redaktoru, din adamnarı.

Yas toplantısında acı bir nasaatlan Türkiye Respublikasının Kişinev Büükelçi Mehmet Selim KARTAL söz tuttu. Sora toplantıda bulunannar bir minutluk susmaklan andılar hepsini kim canını kaybetti bu büük tragediyada.

Not. Türkiyenin Manisa bölgesinin Soma rayonunda kömür şahtasında olan tragediyaylan ilgili Türkiye Respublikasında Hederlez ayın 13-dän beeri üç günnük milli yas tutulmasınnan Türkiye Respublikasının Kişinev Büükelçiliindä bir yas tefteri açıldı. Kendi acızgannıını bildirmäk isteyennär, Türkiye Respublikasının Kişinev Büükelçiliinä gidip, yas tefterindä yazılarını brakabilirlär.

]]> https://anasozu.com/turkiye-buukelciliinda-soma-kurbannarini-andilar/feed/ 0 Türkiyenin Soma kömür şahtasında tragediyaylan ilgili ACIZGANNIIMIZ https://anasozu.com/turkiyenin-soma-komur-sahtasinda-tragediyaylan-ilgili-acizganniimiz/ https://anasozu.com/turkiyenin-soma-komur-sahtasinda-tragediyaylan-ilgili-acizganniimiz/#comments Wed, 14 May 2014 18:42:50 +0000 http://anasozu.com/?p=3459 Türkiyenin Soma kömür şahtasında cannarını kaybedennerin yakınnarına can acımızı bildireriz.

Bu yaslı günnerdä Türkiye halkının bu acı sancısını paylaşêrız.

Raametlilerin topracıı ilin olsun! Allaa onnarı saa tarafına kabletsin!

“Ana Sözü” redakţiyası

Foto – Anadolu Ajansı

]]> https://anasozu.com/turkiyenin-soma-komur-sahtasinda-tragediyaylan-ilgili-acizganniimiz/feed/ 0 Türkiye yas içindä https://anasozu.com/turkiye-yas-icinda/ https://anasozu.com/turkiye-yas-icinda/#comments Wed, 14 May 2014 14:36:07 +0000 http://anasozu.com/?p=3456 Türkiyenin Manisa bölgesinin Soma rayonunda kömür şahtasında iki kilometra derinniktä bir patlama oldu hem yangın başladı. Çok ölü hem yaralı şahtör var.

Türkiyedän gelän haberlerä görä er altında canını kaybedän şahtörların sayısı 245 kişiyi geçti. Bu sayının katlanması beklener, cünkü yangın beterinä kurtarıcı grupaların çalışması zorlandı.

Büün tragediyanın erinä Türkiye Başbakanı Recep Tayyip ERDOĞAN vizit yaptı. Canabisi urguladı, ani tragediyanın sebepleri en detalli incelenecektir.

Soma kömür şahtasında olan tragediyaylan ilgili Türkiye Respublikasında üç günnük milli yas bildirildi.

Foto – Anadolu Ajansı

]]> https://anasozu.com/turkiye-yas-icinda/feed/ 0