Ana Sözü » Moldova Prezidentı https://anasozu.com Fri, 17 Apr 2026 13:03:21 +0000 tr-TR hourly 1 http://wordpress.org/?v=3.8.25 Burası, sizä, orası diil! https://anasozu.com/burasi-siza-orasi-diil/ https://anasozu.com/burasi-siza-orasi-diil/#comments Tue, 10 Aug 2021 05:16:26 +0000 http://anasozu.com/?p=15402 Gagauziya Başkanı baskısına görä, onu GHTda cep deputatlar, kendi çounnuunnan hem Rusiya kokusunnan, Kirez ayın (iyün) 12-dä karar aldılar, ani Gagauziya Halk Topluşun eni seçimneri Ceviz ayın (sentäbri) 19-da yapmaa. Ama büünkü durumda Gagauziya Başkanın ayakları altında toprak kaymaa başlayınca, o Gagauziya Halk Topluşun bu gün seçimneri şüpä altına koydu.

Annayarak, ani Ceviz ayın (sentäbri) 19-da GHTya kendi çep kandidatlarını pek geçirämeyecek, Gagauziya Başkanı İrina VLAH, bu seçimnär genä olmasını deyni, amansız uran silähı kullanmaa başlêêr – COVİD durumunu. Hiç olmayan erdä, açan Gagauziyada bir-iki insan Covida ulaşêr, orayı hemen “kırmızı kod” dedikleri durumunu koyêr. Başkan bunu neçin sa yapmazdı, açan Gagauziya bıldır koronovirustan yanardı.

Gagauziya Halk Topluşun eni seçimnerinä karşı İrina VLAH Covid silähını bir kerä artık kullandı, açan Çiçek ayında, maamilä surat koronovirus beterinä görä, Gagauziyanın Üstolan Durumnarı Komisiyasına Hederlez (may) ayın 16-da Gagauziya Halk Topluşuna seçimneri durgutturdu. Gözüker, ani bu sțenariy tekrarlanacek.

Moldovaya bakarsak, Moldova Prezidentı Maya SANDU, Covid durumuna bakmadaan, hepsini yaptı, ani Moldova Parlamentına seçimnär olsun.

Ama Komrat sizä Kişinev diil hem burası, sizä, orası diil! Gagauziya Başkanı İrina VLAH hepsini savaşacek yapmaa, ani Gagauziya Parlamentına seçimnär olmasın. Onuştan şaşmayın, açan tezdä işideceyniz, ani “koronovirus pandemiyası beterinä Gagauziya Halk Topluşun

eni seçimneri Ceviz ayın (sentäbri) 19-da olmayaceklar”. Belliki onnar olmarsalar, olmayaceklar gagauz halkın başına gelän bu başkannık belası beterinä.

Todur ZANET

]]> https://anasozu.com/burasi-siza-orasi-diil/feed/ 0 Moldova Prezidentın seçimneri Kasımın (noyabri) 1-dä https://anasozu.com/moldova-prezidentin-secimneri-kasimin-noyabri-1-da/ https://anasozu.com/moldova-prezidentin-secimneri-kasimin-noyabri-1-da/#comments Thu, 28 May 2020 09:05:47 +0000 http://anasozu.com/?p=13283 Hederlez ayın (may) 21-dä Moldova Parlamentı aldı karar Prezidentın seçimnerini Kasımın (noyabri) 1-dä yapmaa.

Bu karar için oy verdi 51 deputat: 50 – soțialistlär + demokratlar, 1 – baamsız deputat Aleksandr OLEYNİK.

Adetä görä, opozițiya genä birazçık baarındı, ani oyları dooru saymamışlar, da karar kabledilmemiş, ama suda bu “uydurmayı” vermedilär.

]]> https://anasozu.com/moldova-prezidentin-secimneri-kasimin-noyabri-1-da/feed/ 0