Ana Sözü » SDÜ https://anasozu.com Sat, 18 Apr 2026 05:11:13 +0000 tr-TR hourly 1 http://wordpress.org/?v=3.8.25 Sayt «Гагаузы в мире» B-Ü-Ü-Ü-K BİR YALANDAN başladı https://anasozu.com/sayt-%d0%b3%d0%b0%d0%b3%d0%b0%d1%83%d0%b7%d1%8b-%d0%b2-%d0%bc%d0%b8%d1%80%d0%b5-b-u-u-u-k-bir-yalandan-basladi/ https://anasozu.com/sayt-%d0%b3%d0%b0%d0%b3%d0%b0%d1%83%d0%b7%d1%8b-%d0%b2-%d0%bc%d0%b8%d1%80%d0%b5-b-u-u-u-k-bir-yalandan-basladi/#comments Thu, 26 Jun 2014 08:50:26 +0000 http://anasozu.com/?p=3560 Geçennerdä açıklandı, ani enidän başladı işlemää Bütündünnä gagauzlar Kongresın (okuyun Gagauziya İspolkomun) saytı «Гагаузы в мире». Taa baştan sayt B-Ü-Ü-Ü-K BİR YALANDAN başladı.

Saytın “Видео/Аудио” bölümün “Gagauziya Benim Topraam / Гагаузия Моя Родина” filmın anonsunda okuyêrız: “Gagauzya Benim Topraam / Гагаузия Моя Родина” – именно так называется фильм о гагаузах, снятый специально ко дню Третьего Всемирного Конгресса Гагаузов…”

«снятый специально ко дню Третьего Всемирного Конгресса Гагаузов…» - bu B-Ü-Ü-Ü-K BİR YALAN.

Bezbelli, saytı hazırlayan ideologlar pek islää üürenmişlär naţist Germaniyanın propaganda reyhsministrusunun Paul GEBBELSın en büük sözünü «Чем циничнее ложь, тем охотнее в неё верят» (“nekadar taa ţinizmalı sözlär, okadar taa da çok onnarı inanêrlar”). Bu üzerä da, allelem, çalışmalarında bu laflara uyêrlar.

Şindi aslısı.

Saytta erleştirilän filmın proektı DOKUZ YIL GEERİ Türkiyenin “Suleyman Demirel” universitında başladıldı. Ozaman, 2005-ci yılda önderciliktä ne büünkü yalancılar vardılar, ne da Bütündünnä gagauların Kongresları ortada vardılar.

Annadılan film 2011-ci yılda Türkiye Respublikasının Kultura hem Turizma Bakannıın zakazına görä bu Bakannaa deyni (ne için yazılı filmın başında)  Suleyman Demirel Universitetın (İsparta, Türkiye) Radio-TV aarştırma hem uygulama Merkezi tarafından yapıldı (ne için yazılı filmın sonunda).  Başarıldı film III-cü Bütündünnä gagauzlar Kongresından bir yıl ileri  2011-ci yılın Kasım ayında (Kongres 2012-ci yılın Kasım ayında oldu).

Filmın sţenaristı hem rejisöru Todur ZANET oldu. Filmın haliz adı “Gagauzlar hem Gagauzluk”.

Sora, filmın sţenaristına hem rejisöruna sormadaan, hem filmda kimi diiştirmeklär yapıp, filmın adını “Gagauzya Benim Topraam / Гагаузия Моя Родина” koydular da Türkiye Respublikasının Kultura hem Turizma Bakannıın bu ad altında filmı kabletti.

Hem taa bir iş. Açan III-cü Bütündünnä gagauzlar Kongresı oldu hepsi delegatlara “Gagauzya Benim Topraam / Гагаузия Моя Родина” filmın Cdsini daattılar. Ama CD dä (Paul GEBBELSın en büük sözünü unutmayın!) «Гагаузы в мире» saytında da filmın son titralarını kesmişlär. Bilersiniz mi ne iş için. Dooru: Filmı hazırlayannarın adlarını (Todur ZANET, Azis BAYRAK, Fatih KURT, Onur BİROL, Yasin ÖZTÜRK, Anatoliy UNGUREANU, Petri MOYSE, Murat KASAP, M. Ruşen ÇÖŞKUN, Stepan VARBAN, Rafet KÖKSAL, İvanna KÖKSAL) gagauzlar bilmesinnär deyni. Zerä bilärsalar, ozaman ţinizmaylan yapılan yalan ç-o-o-o-ktan üzä çıkaceydı.

Todur ZANET, “Gagauzya Benim Topraam / Гагаузия Моя Родина” filmın sţenaristı hem rejisöru.

]]> https://anasozu.com/sayt-%d0%b3%d0%b0%d0%b3%d0%b0%d1%83%d0%b7%d1%8b-%d0%b2-%d0%bc%d0%b8%d1%80%d0%b5-b-u-u-u-k-bir-yalandan-basladi/feed/ 0 “Geçmiştän Gelecää, Erlidän Evrensele Türk Dünnäsı Edebiyatı (Literaturası)” Forumu https://anasozu.com/gecmistan-gelecaa-erlidan-evrensele-turk-dunnasi-edebiyati-literaturasi-forumu/ https://anasozu.com/gecmistan-gelecaa-erlidan-evrensele-turk-dunnasi-edebiyati-literaturasi-forumu/#comments Thu, 20 Feb 2014 11:33:07 +0000 http://anasozu.com/?p=3196 Küçük ayın 19-20 günnerindä Türkiyenin İsparta kasabasının “Süleyman Demirel Universitetında” (SDÜ) “Geçmiştän Gelecää, Erlidän Evrensele” Türk Dünnäsı Edebiyatı (Literaturası)” Forumu oldu.

Forumun açılışında pay aldılar SDÜ Rektörü Prof. Dr. Hasan İBİCİOĞLU, rektor yardımcıları, profesorlar hem stulentlar, TÜRKSOY Genel Sekretari Düsen Kaseinov,  Avrasya Yazarlar Birlii Başkanı Yakup Ömeroğlu,  VI. Türk Dünnäsı Literatura Dergileri (Jurnalları) Kongresinä katılan delgaţiyalar: 16 devlettän 33 literatura jurnalların baş redaktorları hem temsilcileri.

Forum zamanı yazıcıların hem studentların arasında literatura buluşmaları oldu.

Foto – SDÜ.

]]> https://anasozu.com/gecmistan-gelecaa-erlidan-evrensele-turk-dunnasi-edebiyati-literaturasi-forumu/feed/ 0