Ana Sözü » Tayyip ERDOĞAN https://anasozu.com Sat, 18 Apr 2026 05:11:13 +0000 tr-TR hourly 1 http://wordpress.org/?v=3.8.25 ERDOĞAN hem SANDU Bakuda bir araya geldilär https://anasozu.com/erdogan-hem-sandu-bakuda-bir-araya-geldilar/ https://anasozu.com/erdogan-hem-sandu-bakuda-bir-araya-geldilar/#comments Wed, 13 Nov 2024 07:07:32 +0000 http://anasozu.com/?p=19768 Kasımın 12-dä, Bakuda geçän Birleşmiş Milletlär Kuruluşu (BMK) Klima diişiklii çerçevä sözleşmesi 29-cu taraflar Konvențiyası (COP29) dünnää liderların Samitında Türkiye Prezidentı Recep Tayyip ERDOĞAN, başka buluşmaların arasında, Moldova Prezidentı Maya SANDUylan da bir araya geldi.

Moldova Prezidentı Maya SANDUnun facebook sayfasında yazdı: “Türkiye Prezidentı Recep Tayyip ERDOĞANnan birliktä regionda barış hem raatlık için hem da Moldovada türk alış-verişin hem invistițiyaların büümesi için lafettik. Ayrıca biz Gagauziyanın memleketlerimiz arasında bir köprü olma rolünü urguladık hem, Moldova Respublikasının kendibaşınalıın paalı bir parçası olan, Gagauz dilini hem kulturasını korumak için birliktä çalışma sözü verdik”.
sandu_erdogan_2_1

Patretlär: facebook.com/maia.sandu

]]> https://anasozu.com/erdogan-hem-sandu-bakuda-bir-araya-geldilar/feed/ 0 Moldova Premyer-ministrusu Gagauziyadaydı https://anasozu.com/moldova-premyer-ministrusu-gagauziyadaydi/ https://anasozu.com/moldova-premyer-ministrusu-gagauziyadaydi/#comments Mon, 22 Jun 2020 07:12:45 +0000 http://anasozu.com/?p=13442 Kirez ayın (iyün) 19-da Gagauziyaya ofițial vizitlan geldi Moldova Premyer-ministrusu İon KİKU.

Vizit başladı ondan, ani Canabisi pay aldı Komratta Mihai EMİNESKU romın lițeyinä deyni yapılacek eni korpusun temelinä ilk taşın koyulmasında. Premyer-ministrudan kaarä, bu sırada pay aldılar Romıniya Büükelçisi Daniel Ioniță, Moldova  üüredicilik, kultura hem aaraştırma ministrusu İgor ŞAROV, Gagauziya Başkanı İrina VLAH, Komrat primarı Sergey ANASTASOV hem lițeyin direktoru Svetlana STOYNOVA.

Komratta Mihai EMİNESKU romın lițeyin yapılması için Romıniya devleti verer 15 milion ley, Moldova tarafı da – 5,6 milion ley.

Bundan sora İon KİKU tanıştı Gagauziyada Komrat çevrä yolun yapılmasınnan hem Başküüyündä (Kirsova) yolların enilenmesinnän. Bu hem Gagauziyada başka yolların yapılması için proektları annattı Moldovanın ekonomika hem infrastruktura ministrusu Anatoliy USATIY.

Moldova Premyer-ministrusu tanıştı taa bir proektlan, ani 2018-ci yılın Canavar ayın 18-dä Türkiye Prezidentı Sayın Recep Tayyip ERDOĞAN Gagauziyaya pek önemni hem faydalı bir vizitında başladıldı – Komrat stadionun yapılmasınnan.

Patretlär: vlah.md
İon_Kiku_komrat (1)
İon_Kiku_komrat (4)
İon_Kiku_komrat (5)

]]> https://anasozu.com/moldova-premyer-ministrusu-gagauziyadaydi/feed/ 0