2024-cü yılın Canavar ayın (oktäbri) nomerın PDFı burada:

https://anasozu.com/wp-content/uploads/2024/09/Ana_Sozu_19_20.2024.pdf

http://anasozu.com/gazetamizin-arhivi/

Üürencilär Türk İşbirlii hem Koordinațiya Agenstvosunnan tanışıp, TİKA Başkan yardımcısı Dr. Mahmut ÇEVİKlän buluştular hem TİKAnın dünnääda yapılan proektlarından taa derin bilgi aldılar.

Buluşmanın sonunda üürencilerä TİKA tarafından baaşışlar verildi. Üürencilärlän bilä gelän Strategiyalı Düşüncä İnstitutun Akademik koordinatoru Fatih SEZGİN hem Dış politika koordinatoru yardımcısı Doç. Dr. Mehmet GÜNEŞ institutun baaşışlarını da TİKAya baaşladılar, bildirer www.sde.org.tr.

(Taa derindän okuyun burada: https://www.avrupaninsesi.com/rumeli-turkleri-tika-ve-ytb-yi-ziyaret-etti-12524)

Dr. Mahmut ÇEVİK çok yıllar sıravaradı Gagauzlara, bütün Balkannara hem Rumeliyä çok büük çalışmalar koyudu hem yaptu. Onun zaametinnän buralarda milionnarca Evroya proektalar yapıldı.

Gagauziyada hem Moldovada, Rumelidä hem bütün Balkannarda yaptıkları için Canabisinä saa olsun deeriz hem çok şükür ederiz.

Gagauzların hem bütün Rumelinin paalı dostuna Dr. Mahmut ÇEVİKä kutluca olsun, eni işindä başarılar dileeriz. Allaa versin ona saalık, uzun ömür hem kuvetlän sabur ileri dooru da bölä bereketli çalışmaa.

Türkiyedän üüsek musaafiri Gagauziya Başkannık hem Halk Topluşu binasının önündä karşladılar Gagauziya öndercileri Başkan İrina VLAH hem Halk Topluşu Başı Vladimir KISSA. Nedän sora uşak oyun ansamblisi, binanın önündeki meydanında, musaafirlerin hatırına, bir gagauz oyunu oynadı.

Bundan sora Türkiye Respublikasının dışişleri Bakanı Mevlüt ÇAVUŞOĞLU Gagauziya öndercilerinnän bir buluşma yaptı. Buluşmada pay aldı Türkiye Respublikasının Kişinev Büükelçisi Gürol SÖKMENSÜER da. Burada Gagauziya öndercileri şükür ettilär Türkiyenin Gagauziyada yapılan proektları için. Buluşmada incelendilär şindi hem ileri dooru yapılacek proektlar: Komratta dünnää standartına uygun stadionun yapılması hem  “Recep Tayyip ERDOĞAN üüredicilik kompleksı”n yapılması. İkincisinin proektı için, taa sora, bu kompleksın maketının yanında, annattı Türk İşbirlii hem Koordinaţiya Agenstvosu Başkannıın (TİKA) Kişinev programaların Koordinatoru Selda ÖZDENOĞLU.

Kendi tarafından Bakan Mevlüt ÇAVUŞOĞLU söledi Türkeye hem Moldova arasındakı ikili ilişkilerin strategiyalı olduunu hem urguladı, ani Gagauziya da bu iki devleti baalayan bir köprüdür.

Buluşmadan sora, presaya yapılan açıklamada, Gagauziya Başkanı “sıcak seläm” yolladı Türkiye Respublikası Prezidentına Recep Tayyip ERDOĞANa.

Presaya yapılan açıklamada, Türkiye Respublikasının dışişleri Bakanı Mevlüt ÇAVUŞOĞLU, hepsini Moldovanın Baamsızlıı gününnän kutlayarak, dedi: “Biz güçlü bir Moldova içindä, güçlü bir Gagauziya isteyoruz. Biz, Moldovaylan ilişkilerimizi güçlendirirkän, Gagauziya, gagauz soydaşlarımızı da aramızda çök önemni bir dostluk köprüsü olarak görüyoruz hem Türkiye Gagauziyanın Moldova içindä özel hak statusu kaavileşsin deyni herbir işi arkalamaa hazır”.

Mevlüt ÇAVUŞOĞLU urguladı, ani TİKA yolunnan, Türkiye Gagauziyada büük proektları başardı, ölä nicä bolnițalar, ihtärlar evleri, resimcilik hem yaratmak evleri, uşak başçaları hem başka. Şindi da 500 kişilik yataklı “Recep Tayyip ERDOĞAN üüredicilik kompleksı” yapılacek. Bunnarı annadarak, Canabisi dedi, ani “soydaşlarımızın burada, kendi dilinnän Moldovanın ofițial dilin üürenmesi için proektları hem okulları ömürä geçirdik”.

Pandemiya zamanında Türkiyenin Gagauziyaya hem Moldovaya yapan yardımnarı için annadarak, Bakan Mevlüt ÇAVUŞOĞLU dedi: “İi gündä, kötü günnüdä Gagauziyanın hem Moldovanın yanındayız, kardaşlarımızın, sizlerin hep yanında olduk. Da bu pandemiya dönemindä da Moldovaya hem sizlerä medițina yardımnarında bulunduk. Hem Saalık Bakannıımız, hem TİKAmız hem Kızıl Ayımız. Bän da beraberimdä biraz saalık malları getirdim, hem Kişinev için, hem sizlär için… Hem da pandemiya zamanı üüredicilää yardım olmamız için, “EşimTekstil” hem “Suma” firmaların katkılylan, hem Kişineva, hem da buraya Komrata, planşet hem noutbuklar getirdik”.

Presaya açıklamalardan sora ev saabileri da, Türkiyedän hem Moldovadan delegațiyalar da yollandılar Komratta Türkiye Respublikasının Başkonsulluun ofițial açılışı sırasına, angısında pay aldılar Türkiye Respublikasının dışişleri Bakanı Mevlüt ÇAVUŞOĞLU, Moldova dışişleri hem Evropaya integraţiya ministrusu Oleg ȚULÄ, Türkiye Respublikasının Kişinev Büükelçisi Gürol SÖKMENSÜER, Türkiye Respublikasının Komrat Başkonsulu Hasan AKDOĞAN, Moldova Respublikasının Ankara Büükelçisi Dimitriy KROYTOR, Moldova Parlamentının hem GHT deputatları, İspolkom azaları hem, Gagauziyadan primarlar hem cümne insannar.

Komratta Türkiye Respublikasının Başkonsulluun ofițial açılışı sırasında nasaat edennär urguladılar:

Gagauziya Başkanı İrina VLAH: “Komratta Türkiye Respublikasının Başkonsulluun açılması hem Gagauziya hem da Moldova için çok önemni bir adım. Buna zorumuz vardı. Çünkü gagauz hem türk halkın arasında soțial, kultura hem ekonomika baalantıları ölä üüsek uurlara etiştilär, ani Başkonsulluun açılması çoktan lääzımdı olsun”.

Moldova dışişleri hem Evropaya integraţiya ministrusu Oleg ȚULÄ: “Moldova baamsızlıının 29-cu yıldönümündä Komratta Türkiye Respublikasının Başkonsulluun açılmasına katılmaktan büük hodulluk duyêrım. Baş konsulluun çalışmaları arasında en önemnilerdän birisi olacek ileri dooru da gagauzların dilini hem kulturasını, Gagauziyanın hem Moldova Respublikasının bütün üülen tarafının ekonomikasının ilerledilmesindä izmettä bulunmaa”.

Türkiye Respublikasının dışişleri Bakanı Mevlüt ÇAVUŞOĞLU: “Komrat Başkonsulluumuz – bu hepsi gagauzların evidir. Baş konsulluun kapuları Gagauziyanın hem Moldovanın üülen tarafının 9 rayonun insannarına açıktır”.

Ofițial nasaatlardan sora, Bakan Mevlüt ÇAVUŞOĞLU, ministru Oleg ȚULÄ, Büükelçi Gürol SÖKMENSÜER, Başkonsul Hasan AKDOĞAN, Gagauziya Başkanı İrina VLAH hem GHT Başı Vladimir KISSA Başkonsulluun açılış şiridini kestilär hem, ofițial delegațiyaların kalan azalarınnan, Başkonsulluun binasınnan tanıştılar.

Türkiye Respublikasının dışişleri Bakanı Mevlüt ÇAVUŞOĞLU, Gagauziyada vizitını tamamnayarak, uuradı stadiona, ani, 2018-ci yılın Canavar ayın 18-dä Türkiye Prezidentı Sayın Recep Tayyip ERDOĞAN Gagauziyaya vizitında Canabisi tarafından verilän izininä görä, Türkiye Pravitelstvosu tarafından yapılêr. Burada Canabisi tanıştı işlerin örümesinnän hem, birkaç kerä topa urarak, denedi stadionun çimenini.

Bakan Mevlüt ÇAVUŞOĞLU teklif etti stadionun ofițial açılışını yapmaa hep o gündä, açan Kişinevda, Türkiye firması tarafından yapılan “Chisinau Arena” sport kompleksın açılışı yapılacek.

Türkiye Respublikasının dışişleri Bakanın Gagauziyaya vizitının son noktası oldu TİKA yardımınnan Komratta yapılmış olan “Hoca Nastradin” uşak başçası.

Todur ZANET

Fotolar: anasozu.com hem vlah.md

Bıldır TİKA tarafından bu anma taşı granitlän hem çimennän donadıldı da Türkiye Respublikasında bakılan “Demokratiya hem Milli Birlik Günü”ndä hepsi 251 raametli kahramanı anmaa deyni Çadıra geldiydilär Türkiye Kişinev Büükelçisi Gürol SÖKMENSÜER, TİKA Kişinev programaların Koordinatoru Selda ÖZDENOĞLU, Gagauziyanın büükleri, GHT deputatları, gagauz kultura hem bilim adamnarı, türk vatandaşları, Kongaz Süleyman DEMİREL teoretik liţeyin üürencileri hem üüredicileri.

Bu yıl sa, koronavirus pandemiyası beterinä, bölä bir anma kolaylıı olamadı. Ama Türk milletin “Demokrasi ve Milli Birlik Günü” yortusunda Türkiye Kişinev Büükelçilii hem TİKA Kişinev programaların Koordinatorluu, kendi adlarından, bu anma taşına şehitlerä saygı venokları koydurdular.

Bundan kaarä, nicä bildirdi TİKA Kişinev programaların Koordinatoru Selda ÖZDENOĞLU, Çadır primariyasının izininnän anma taşın dolayanı genişledip, Kişinev TİKA programaların Koordinatorluu anma taşın dolayına 251 şehitä 251 cannı gül ekti.

Bu yardımın 750 kutusu Hederlez ayın (may) 13-dä Gagauziyaya etişti. O, rayon başları hem primarların tarafından hazırlanan listelerä görä, daadılacek zor durumda bulunan aylelerä.

Gagauziyaya TİKAnın yardımın bir payı da verilecek Çadır, Komrat hem Valkaneş kasabaların ihtärlar evlerinä hem Çadır kasabasının internat şkolasına.

Çiçek ayın (aprel) 22-dä  Türk İşbirlii hem Koordinaţiya Agenstvosu Başkannıı (TİKA) getirdi Gagauziyada COVID-19 hastalarına deyni maasuz hazırlanan Komrat infekțiya bolnițasına koronavirusa karşı koymak için medițina tertipleri yardımı.

TİKA tarafından verilän yardımın içindä var: 500 medițina maskası hem 125 doktorlara deyni koruyucu gözlük.
Hepsi bu tertiplär koruyacek medi-țina izametçilerin saalıını, eni tipkoronavirusa ulaşan hastaları ilaçlarkana.

Nicä bildirdi TİKA Kişinev programaların Koordinatoru Selda ÖZDENOĞLU “Bu Türk halkından Gagauziyaya bu zor vakıtta bir kardaşlık hem dostluk yardımı, ani verecek kolayını eni tip koronaviruslan savaşmakta kendi saalıklarını riskä koyan vraçları hem başka medițina imetçilerini ulaşmaktan korumaa”.

Moldova İçişleri Ministerliinä yardım

Çiçek ayın (aprel) 23-dä,  Türkiye Respublikasının adından, Türk İşbirlii hem Koordinaţiya Agenstvosu Başkannıı (TİKA) verdi Moldova İçişleri Ministerliinä COVID-19 hastalıından korunmaa deyni medițina malları yardımını.

Yardımı vermäk sırasında pay aldılar Moldova İçişleri Ministrusu Pavel VOYKU, Moldova İçişleri Ministerliin baş sekretari Yanoş ERHAN, Türkiye Kişinev Büükelçisinin danışmanı Ahmet Zafer İZCAN, TİKA Kişinev  programaların Koordinatoru Selda ÖZDENOĞLU.

Türkiye Respublikasının adından TİKA yolunnan Moldova İçişleri Ministerliinä verilän yardımın içindä var: 10 bin medițina maskası, 20 bin medițina eldiveni, 1000 litra el dezinfektantı, 250 doktorlara deyni koruyucu ekranı.

Yardımı vereräk TİKA Kişinev  programaların Koordinatoru Selda ÖZDENOĞLU açıkladı, ani “Bu yardım Türkiye Respublikası Pravitelstvosu tarafından Moldovada koronavirus pandemiyasına karşı koymak yardımnar için maasuz ayıran paraya görä yapıldı”. Canabisi urguladu, ani “Türkiye Respublikası inanêr, ki bu yardım verecek kolayını koronavirusa karşı koymak akțiyalarda polițiyacıları korumaa”.

İlk buluşma Komradın primariyasında oldu. Nicä açıkladı Kişinev TİKA koordinatoru Canan ALPASLAN “Komrat primariyasında incelendi soruş bu proekta deyni toprak eri verilmesi”.

Bundan sora TİKA grupası buluştu Gagauziya İspolkomun Predsedatelin 1-ci yardımcısınnan Vadim ÇEBANnan. Toplantıda pay aldılar üüredicilik Upravleniyanın başı Sofya TORLAK hem stroykaylan infrastruktura Upravleniyanın başı Vladimir PANFİLOV.

TİKA delgaţiyası bildirdi, ani “bıldır “Türkiye Prezidentın Recep Tayyip ERDOĞAN üüredicilik kompleksın” 3-D proektı Gagauziyanın öndercilerinä gösterildi”. Koordinator Canan ALPASLAN teklif etti “eni öndercilär da bu proektı incelsinnär da bu uurda kendi tekliflerini açıklasınnar”.

Bundan kaarä buluşmakta başka teknik soruşlar da kaldırıldı. Neyä Gagauziya İspolkomun Predsedatelin 1-ci yardımcısı Vadim ÇEBAN cuvap verdi, ani “bu proektlan ilgili hepsi soruşlar kontrol altına alındı” hem “en kısa zamanda onnar çözüleceklär” – bildirer Gagauziya Başkanın ofiţial saytı.

Canabisi duudu 1982-ci yılın Ceviz ayın (sentäbri) 2-dä Ankarada. Başardı Türkiyenin Orta Doğu Teknik Universitetın halklar arasında ilişkilär fakultetını.

Universitettan sora Ankarada TİKA başkannıında çalıştı. Paţifik hem Latin Amerika masasına baktı.

Cenan ALPASLAN delikannı kız. Bir kardaşı var.

2007-2008 kışı Moldova TİKA ofisindä koordinator yardımcısı olarak işledi.