Gagauziya “korona”dan cızır-bızır yanêr

Ana Sözü — Sat, 06 Jun 2020 06:32:41 +0000

İki gün sıravardı Gagauziyada kronavirusa ulaşannarın sayısı Moldovada bir gündä hepsi ulaşannarından 13% yapardı. Dün, 05.06.2020 günündä, bu țifra 15% oldu – 35 kişi (Moldovada bir 05.06.2020 günündä ulaşannar – 229).

Gagauziya rayonnarına görä dün ulaşannar: Çadır – 16, Komrat – 15, Valkaneş – 4.

İnsan sayısına görä esap yaparsak, koronavirusa ulaşannar sayısında Gagauziya hep 1-ci erdä kalêr – bir bin cana ulaşan sayı 0,26%.

GAGAUZİYA COVID-19-dan YANÊR: Moldovada 1-ci erä çıktık

Ana Sözü — Thu, 04 Jun 2020 06:30:10 +0000

Moldova saalık ministerlii açıkladı, ani son 24 saatta Moldovada 247 kişidä COVID-19 testı pozitiv çıktı. Onnarın arasından 32-si Gagauziyadan (Çadır rayonu – 18, Komrat rayonu – 12, Valkaneş rayonu – 2) – bu da bir gündä hepsi ulaşannarın 13%-ti.

Bölä baktıynan bütün Moldova statistikasına görä Gagauziya 3-cü erdä (1-ci Kişinev, 2-ci – Balț). Ama bu diil dooru, zerä insan sayısına görä bakarsak, ozaman țifralar diișer, da haliz durum ortaya çıkınca, Gagauziya (bir bin cana görä ulaşan sayı %) 1-ci erä çıkêr.

Durum da bölä:

Bütün Moldova (3 000 000 insan): 03.06.2020 günü ulaşannar – 247, bir bin cana görä ulaşan sayı %-ti – 0,082;

1-ci er – Gagauziya (134 000 insan): 03.06.2020 günü ulaşannar – 32, bir cana görä ulaşan sayı %-ti – 0,24;

2-ci er – Belț kasabası (145 000 insan): 03.06.2020 günü ulaşannar – 24, bir cana görä ulaşan sayı %-ti – 0,17;

3-cü er – Kişinev kasabası (850 000 insan): 03.06.2020 günü ulaşannar – 88, bir cana görä ulaşan sayı %-ti – 0,1.

Ana Sözü » yangın

Gagauziya “korona”dan cızır-bızır yanêr

GAGAUZİYA COVID-19-dan YANÊR: Moldovada 1-ci erä çıktık