Ana Sözü » yıldırım https://anasozu.com Tue, 21 Apr 2026 05:54:25 +0000 tr-TR hourly 1 http://wordpress.org/?v=3.8.25 Avdarmada yıldırım 37 küçük baş hayvanı urdu https://anasozu.com/avdarmada-yildirim-37-kucuk-bas-hayvani-urdu/ https://anasozu.com/avdarmada-yildirim-37-kucuk-bas-hayvani-urdu/#comments Fri, 08 May 2020 07:10:27 +0000 http://anasozu.com/?p=13135 Hederlez ayın (aprel) 1-dä Gagauziyanın Avdarma küüyündä yıldırım urdu bir keçi sürüsünä, öldürüp 37 baş birdän, bildirer avdarma1563.md.

O günü, bakırdan dökülän yaamur, tolu hem çımçırıklar başladıynan, 230 baş keçi sürüsü taman kırdaymış. Saat 14:30 gibi, yaamurdan korunmaa deyni, hayvannar toplanêrlar bireri da onnarı yıldırım urêr. Yıldırımdan 37 baş erindä öler.

Sürünün çobanına Radion OSİPOVa yıdırım dokunmamış. Nicä söledi Canabisi öldürülän hayvannarın arasında 16-sı kendisinin, 21-ri da – avdarmalıların keçileriymiş.

Avdarma küüyün primarı Mariya KAPSAMUN açıkladı, ani bu belanın zararı 26 bin ley yapêr.

Şindi küüyün primariya soveti, inceleyip konuyu, bu insannarın zararlarını karşılamaa düşüner.

]]> https://anasozu.com/avdarmada-yildirim-37-kucuk-bas-hayvani-urdu/feed/ 0