Açıklanan proekta görä, bıldır Gagauziyaya bu uur için 35 051,1 bin ley verildiydi, ama 2026-cı yıl için bücetä sade 30 715,8 bin ley koymaa teklif ediler.

Bu proekt verdi kolayını zanaat uçilişedä “Kuvancılık bölümü”n açılmasına hem Moldovaylan Gagauziya üürencilerinä kuvancılık zanaatını üürenmeyä geniş yol açtı. Bundan kaarä, uçiliçenin bulunduu dolay erlerdä kendilerin ustalıını keskinnetmää deyni kuvancılara burada kurlsar da açılacek.

Lääzım urgulamaa, ani kuvannara hem kuvancılara kolaylık veriler 178 gektar tarlalarda ekili olan semiçkalardan hem başka bal çiçiklerindän hem da dolayda bulunan salkım daalrından bal toplamaa.

Bilersiniz mi neçin olmadı? Ozamankı Moldova kuvetleri, nice şindikilär dä, istemäzdilär, ani Gagauziya ekonomika tarafından kaavi hem baamsız olsun. Bu üzerä dä, politika gösterileri yaparak, arkadan urdular. Hem nicä urdular!

Ozamannar Moldovada bir yalancı premyer-ministru vardı da, maamilä surat, o günnerdä Moldovanın “Prut deresenin taşmasından zarar görän insannara yardım etmäk” sebepinnän fabrikanın düzülmesi için kurulan Moldo-Türk ortak firmasının parasına el koyup, o paraları “yardıma” aldı. Hem Moldovanın ilk Prezidentı, hem da o premyer-ministrusu o parayı çevermää söz verdilär hem bu iş için garantiyalı yazı verdilär. Ama yalancı çıktılar hem parayı çevirmedilär.

Bu beterä dä, tula hem keremet yapmak için 100 yıllık toprak rezervası olan, Moldo-Türk tula fabrikası Komratta yapılmadı. Salt temeli koyuldu, angısı büün da, üüsüz olarak, Komrat kenarında, Çadır yolun saa tarafında, durêr (bak fotoyu). Ama bu iş durgunduynan, Moldova premyer-ministrusunun ozamankı bir bulgar yardımcısı hemen bulgar kasabacıında Tvardițada bu türlü bir fabrika kurdu. Ozamannar Komratta Moldo-Türk tula fabrikasının aslıya çıkmaması – bu bir saklı plandı mı? Osa yanılêrız mı?

AUMAya görä, Moldovada insannara deyni şafklar için elektrikanın eni tariflerini 2025-ci yılın Büük ayın 2-dän beeri bölä olacek: Premier Energy için (Moldovanın poyraz tarafına deyni) – 4,10 ley kVt/saat, FEE Nord için (Moldovanın merkez hem üülen taraflarına deyni) – 4,68 ley kVt/saat.

İsteeriz aklınıza getirmää, ani açan 2018-ci yılda “Fudjikura” kompaniyası, Belț kasabasından hepsi insan kuvetlerini süzmektän sora, Komrada taşınmaa başladı, biz sölediydik, ani, Gagauziya insannarının kuvetlerini süzmektän sora, burasını da brakacek. Bizi ozaman Gagauziyada kuvettä bulunannar işitmää istämedi. Taa da beter, bu kompaniyayı kendi kanadı altına aldıydı ozamankı Gagauziya Başkankası, da, boşaldıp erleri hem skladları, bu kompaniyaya türlü kolaylıklar yaptı.

Açan pandemiya zamanında hepsinin çalışması zapa altına koyulardı, hep o Başkankanın izininnän burada insanarı işledärdilär: https://anasozu.com/komratta-protest-edennar-ya-hepsina-yada-hic-birina-gagauziya-baskan-dun-oldu-bir-titsi-durum/

Şindi sä, bir maamilä suratı sebepi bulup, neçin saydı, “Fudjikura” buradan da taşınacek.

Bildiriler, ani bu karılar kendi biznes çalışmalarınnan insannara iş eri vererlär, ufak biznesmennera yardım ederlär da bununnan memleketin kalkınmasına yardımcı olêrlar.

Prezident Maya SANDU açıkladı, ani “Biznesmen karıları annattılar, nicä bizneslarını ilerlettilär, ne türlü malları yapêrlar hem nicä onnarı önä sürerlär. Onnar annattılar karşılanan problemaları. Biz inceledik memlekettä olan durumu, ekonomika ilerlemesinin potențialını hem devlet aracılıınan erindeki biznesa arka olma programaları, angısının arasında erindeki turizmanın ilerlemesi dä var”.

Bundan kaarä Maya SANDU dedi: “Selemneerim benimnän lafedennerin romın dilini üürenmäk prgramalarına meraklıklarını. Biz lafettik, ne var nicä yapmaa, ani bu regionnarın yaşayannarı bilsinnär kendi ana dillerini dä – gagauzçayı hem bulgarcayı. Sade islää karşılıklı annaşmaylan, karşılıklı saygıylan hem ortak direşmelärlän biz evropalı bir memleket düzecez, angısı olacek islää ev hepsi onun vatandaşları için”.

Foto: presedinte.md

Yolun tantanalalı olmayan açılışında pay aldı Moldovanın Prezidentı Maya SANDU hem  da Evropa rekonstrukțiya hem ilerlemä bankasının prezidentı Odile RENAUD-BASSO.

Moldova Prezidentı Maya SANDU dedi “enilenän 31 kilometralık yol, ilk öncä vatandaşlar için hem mal taşıyannar için islää bir haber – o verecek kolayını baş kasabadan taa aaz harçlarlan burayı hızlı etişmää”.

Gagauziyanın Valkaneş kasabası hem küüleri için yarım laf ta sölämedään, bildirildi, ani bu yol Taraklı rayonun Kaulun, Çumay hem Burlaçenı küülerin insannarına büük fayda getirecek, çünkü onnarda şindi çiftçilik tarlalarına yol açıldı, aullarına giriş yapıldı, trotuarlar hem cümne transportu durakları kuruldu.

Moldova Prezidentı urguladı, ani çevrä yolu verecek kolayını tranzit transportu küüleri dolansın, insannar da taa pak soluk hem raatlık kabletsinnär.

Patentçılar gelmiştilär burayı dooruluuu aaramaa, çünkü onnar diil kayıl onunnan, ani kuvetlär patentları ortadan kaldırmaa isteerlär hem onnarı kasa aparadınnan işlemää zorlaştırêrlar. Bundan kaarä, patentçılar vergi hem tamojnä serviçlerin yaptıklarınnan kayıl diil. Onnarı burada polițiya karşladı.

GHT binasının önündä “Bunnar, tamahlıktan, derimizi da soymaa isteerlär…” gibi lozunglar baarıp, patentçılar savaştılar polițiyeyi aktarıp, içeri girmää, ama, bu olmayınca, ortalık taa da kızıştı.

İnsannarı biraz uslandırmaa deyni, onnarın önünä çıktılar GHT deputatları. Gagauziya Halk Topluşun Başı yardımcısı Georgiy LEYÇU hem deputat Nikolay DUDOGLU adadılar insannara, ani, “herliim Devlet kanțeläriyası sudta patent zakonunu silärsä, Gagauziya patentlar için zakonu uzadacek”.

Georgiy LEYÇU hem deputatlar Nikolay DUDOGLU hem Nikolay İVANÇUK insannnarı uslandımaa savaşarkana, soțialistlär partiyasından deputatlar arkadan patentçıları kışgırdardılar. Bir şüpesiz var nicä annamaa, ani burnu altı bulaşık olan bu partiya, petentçıları kullanıp, Gagauziyada kendisinin düşmüş nestesini kaldırmaa savaşêr.

Proektın prezentațiyası oldu Kirez ayın (iyün) 13-dä, neredä Moldovanın premuer-ministrusu Dorin REÇAN hem energetika ministrusu Viktor PARLİKOV eni proektın özelliini annatılar hem onu metettiär. Onnar açıkladılar, ani bu pilot proekt PROON tarafından verilän paralarlan yapılêr.

Pek islää iş, esba alarak onu da, ani Moldovadan bir firma, susaraktan, bu sçötçikleri artık yapmış hem ileri dooru da taa çok yapaceymış. Çünkü şindiki bu 35 bin eni hem “akıllı” elektrika sçötçikleri Moldovada lääzım olan sçötçiklerin sade 3%-miş. Ufak esaba görä o “akıllı” elektrika sçötçiklerdän yaklaşık 1 150 000 taanä lääzım olacek.

Patret: gov.md.

AUMAnın bu kararı kuvedä geçtiynän, evdä kullanan gazın bir metra kubu için insannar 18,07 ley ödeyeceklär. AB “Moldovagaz” sa istediidi paa 19,93 ley olsun.

Kendi tarafından AB “Moldovagaz” kuruluşun başı Vadim ÇEBAN bildirdi, ani “AUMAnın kararı vermeyecek kolayını hepsi harçlarını kapamaa. Bu üzerä dä gaz daadan kuruluşlar yılı zararlan başaraceklar”.

Eridir urgulamaa, ani, açan dünnää gaz için ucuz paa ödärdi, Energetikada Uygulama Milli Agenstvosu (AUMA) vatandaşlara deyni bıldır kurduydu korkunç üüsek bir paa – 29,27 ley gazın bir metra kubu için, angısını büün dä ödeeriz.