Moldova Respublikasının üüredicilik hem aaraştırma ministerlii tarafından üüredicilik uurunda açıklanan Şkola grandları programasını kazanan memleketin 121 üüredicilik kuruluşuna – başlangıç şkolalar, gimnaziyalar hem lițeylär – 4,2 milion dolar kardaş payı yapıldı: herkezi 36 000 dolar kabledecek.
Bu 121 kuruluşun arasında Gagauziyadan Avdarma “Dimitriy Çelingir” lițeyi, Çadır “Mihail Çakir” lițeyi, Komrat “Dimitriy Mavrodi” gimnaziyası hem Komrat “Mihai Eminesku” lițeyi var.
Konkursta elemä kriteriyalarında, başkaların arasında, bakıldılar țifralı merkezlerin gelişmesi hem üürencilerin kişi başına arka olmak STEM-metodikaların uygulanmasında multimediya laboratoriyaların kurulması.
Bu grantların daadılmasını yapıldı “Üürediciliin kalitesini iileştirmä” Proektın (EQIP) bir parçası olarak, angısını, Üüredicilik uurunda Global Ortaklık hem Dünnä Bankasının yardımınnan, aslıya çıkarêr Moldova Respublikasının üüredicilik hem aaraştırma ministerlii.
