SPPS (1)

27.01.2025, tarafından yazılı , CÜMNE, MOLDOVADA TİKA PROEKTLARI, POLİTİKA BÖLÜMÜ, 318 KERÄ BAKILMIŞ

TİKAdan Moldova Güvennik hem Koruma Serviçi kuruluşun çevrä düzennemä Proektı

2025-ci yılın Büük ayın 27-dä Moldova Respublikasının Güvennik hem Koruma Serviçi kuruluşun (Serviciului de Protecție și Pază) 33-cü yıldönümündä, bu serviçin alanında açıldı enilenmiş “Mihay Eminiscu” Çok profilli bir hazırlanma merkezi.

Güvennik hem Koruma Serviçi kuruluşun 33-cü yıldönümünnnän hem enilenmiş “Mihay Eminiscu” Çok profilli hazırlanma merkezin proektın başarılmasınnan ilgili olarak burada yapılan yortulu toplantıda pay aldılar Moldova premyer-ministrusu Dorin REÇAN, TİKA Başkan yardımcısı Dr. Mahmut ÇEVİK, Türkiye Kişinev Büükelçisi Uygar Mustafa SERTEL, Romıniya Pravitelstvosunun Moldova Respublikasınnan ilişkileri Departamentı Başı Adrian DUPU, Bulgariya, Çehiya, hem Kitay Büükelçileri hem temsilcileri, TİKA Kişinev ofisin koordinatoru Tarık METE hem ofis personalı, TİKAda Moldova masasına bakan Fatih ÇELİK hem dä Güvennik hem Koruma Serviçin ofițerları.

Moldova premyer-ministrusu Dorin REÇAN selämnadı hepsini hem kutladı Güvennik hem Koruma Serviçin zaametçilerini bu kuruluşun 33-cü yıldönümünnnän hem verdi onnarın kimilerinä diplomaları.

Güvennik hem Koruma Serviçi kuruluşun “Mihay Eminiscu” Çok profilli hazırlanma merkezin çevrä düzennemä Proektın payını hem aarlıını üstünä Türk İşbirlii hem Koordinaţiya Agenstvosu (TİKA) aldıı için, yortulu toplantıda kutlama nasaatını ilkin TİKA Başkan yardımcısı Dr. Mahmut ÇEVİKä verildi. Canabisi kutladı Moldova Respublikasının Güvennik hem Koruma Serviçi kuruluşunda çalışannarı 33-cü yıldönümünnän hem urguladı, ani “TİKA ofisin 1994-cü yılda Moldovada açıldıı zamandan beeri, Türkiye Respublikasında çeşitli uurlarda yaklaşık 50 milion dolarlık proektlar yaptı hem ileri dooru da yapêr”.

Kendi tarafından Güvennik hem Koruma Serviçin  komandiri general-mayor Vasile POPA, şükür etti orada bulunan hepsi devletlerin Belçiliklerinä o yardımnar için, ani bu kuruluşa yaptılar.

Yortulu sıra başarıladı Güvennik hem Koruma Serviçin ofițerlerinin praktika becerikleklerinin gösterilemsinnän.
SPPS (2) SPPS (3) SPPS (4) SPPS (5) SPPS (6) SPPS (7) SPPS (8) SPPS (9) SPPS (10) SPPS (11)

BİR CUVAP YAZIN