Canavar ayın 18-dä Moldovanın poyraz tarafında bulunan Belț kasabasında olan hem TİKA katkılarınnan enilenän Boris Petuhov adına sport şkolasında enilenmä proektın ofițial açılışı oldu.
TİKAylan Belț kasabasının primariyasının işbirliindä Belț Boris Petuhov adına sport şkolasının enilenmä proektına başa çıkarıldı. TİKA tarafından şkolanın örtüsünün remodu yapıldı, sport zalın enilinmesi oldu hem havalandırma sisteması kuruldu. Belț kasabasının primariyası tarafından şkolanın sport zalına büünkü günerä uyan modern sport tertipleri alındı.
Boris Petuhov adına sport şkolasında enilinmä proektın ofițial açılışında pay aldılar TİKA Balkannar hem Dou Evropa Dayresi Başkanı (BADA) Muhammed ÜNAL, Belț kasabasının primar yardımcısı Genadiy ŞMULSKİY, TİKA Kişinev ofisin koordinatoru Tarık METE hem bu şkolanın direktoru Viorel MİDRİGAN.
Boris Petuhov adına sport şkolası Moldovanın en üüsek uurda sportmennarı hazırlayan birisidir. Burada aar atletika, boks, dzüdo, sambo hem kikboksing uurunda 5 sport dalında üüredicilik yapılêr. 2023-2024 üüredicilik yılında 23 trener 45 grupada toplam 529 üürenciya ustalık verer.
Büünkü günädän şkoladan sambo, dzüdo hem aar atletika uurunda 3 dünnää çempionu çıktı, 5 sportsmen da Olimpiada oyunnarında pay aldı.