Canavar ayın 18-dä, Moldovada Tehnoklas kurulması inovațiya proektları çerçevesindä yapılan, Drokiya kasabasının “Mihai Eminescu Teorik Lițeyi”ndä Türk İşbirlii hem Koordinaţiya Agenstvosu Başkannıın (TİKA) tarafından Tehnoklas kurulması proektı başarıldı hem onun açılışı yapıldı.
Açılış programasında pay aldılar TİKA Balkannar hem Dou Evropa Dayresi Başkanı (BADA) Muhammed ÜNAL, Moldova parlamentın deputatı Marina MOROZOVA, Moldova Respublikasının üüredicilik hem araştırma ministerliin Baş üüretmäk politikaları dayrä başı Marcelina BALECA, Drokiya rayonun administrațiyası başı Vasile CEMORTAN, Moldova Respublikası Pravitelstvosunun Drokia sorumnusu Vitalie JOSANU, TİKA Kişinev ofisin koordinatoru Tarık METE hem Mihay Eminesku adına Drokiya lițeyin direktoru Sergiu PRODAN.
Moldovada Tehnoklas proektları ortaya çıktı Moldova Parlamentın Türkiye-Moldova dostluk grupası deputatların Türkiyeyä yaptıı bir vizittan sora. O grupanın teklifinä görä, TİKA tarafından Moldovanın türlü taraflarında Tehnoklas kurulması inovațiya proektları yapılmaa başladıldı. Bu proektlar Moldova Respublikasının üüredicilik hem araştırma ministerliin “Model şkola proektı” sırasınnan dokuşan artık 5 şkolada başarıldı. Bunnar: Kişinev “Mircea Eliade” Teorik Lițeyi”, Floreşt “Ion Creanga Teorik Lițeyi”, Çadır “Mihail Çakir Teorik Lițeyi”, Kongaz “Süleyman Demirel Türk-Moldovan Lițeyi” hem Drokia “Mihai Eminescu Teorik Lițeyi” kuruluşlarında kurulan fizika, himimya hem biologiya alannarında modern laboratoriyalar.
